Asaka tumanida 17-mart kuni “Konstitutsiya o‘zimizniki” shiori ostida Konstitutsiyaviy qonun loyihasi bo‘yicha targ‘ibot tadbiri va konsert-shou dasturi bo‘lib o‘tdi.
Unda andijonlik tadbirkor Hikmat Madrahimov “Andijon muzqaymog‘i” brendini yo‘lga qo‘yish va ommalashtirish jarayoni haqida gapirib berdi. Tadbirkor unga nisbatan tuhmat va qiyinchiliklarini bo‘lganini ta’kidlagan.
“Meni bu yerda ko‘pchilik tanimaydi. Lekin biz ishlab chiqargan mahsulotlar hozirgi kunda O‘zbekistonning barcha hududlarida mavjud, “Andijon muzqaymog‘i” desangiz, hamma biladi. Sizlar ham bilasizlarmi?
Hozirgi kunda nafaqat O‘zbekiston, balki Qirg‘iziston, Tojikiston, Qozog‘iston kabi davlatlar ham bilib bormoqda. Ochiq aytaman, avvallari brendni rivojlantirish, uni tanitish juda ham qiyin bo‘lgan. Biz har xil tuhmatlarga duchor bo‘ldik.
Lekin biz to‘xtab qolmadik. Hozirgacha ishimizni davom ettiryapmiz. Bundan keyin ham davom ettiramiz. Ayni paytda tadbirkorlarga juda keng imkoniyatlar berilgan. Tashqi bozorga chiqish, eksport qilish hozir muammo emas”, — deydi Hikmat Madrahimov.
UzAuto Motors aksiyadorlik jamiyati, Yoshlar ishlari agentligi hamda Andijon viloyati hokimligi tashabbusi bilan o‘tkazilgan tadbirda uch mingga yaqin zavod ishchilari, viloyatning iqtidorli va faol yoshlari ishtirok etishdi.
Izoh (0)