Асака туманида 17 март куни “Конституция ўзимизники” шиори остида Конституциявий қонун лойиҳаси бўйича тарғибот тадбири ва концерт-шоу дастури бўлиб ўтди.
Унда андижонлик тадбиркор Ҳикмат Мадраҳимов “Андижон музқаймоғи” брендини йўлга қўйиш ва оммалаштириш жараёни ҳақида гапириб берди. Тадбиркор унга нисбатан туҳмат ва қийинчиликларини бўлганини таъкидлаган.
“Мени бу ерда кўпчилик танимайди. Лекин биз ишлаб чиқарган маҳсулотлар ҳозирги кунда Ўзбекистоннинг барча ҳудудларида мавжуд, “Андижон музқаймоғи” десангиз, ҳамма билади. Сизлар ҳам биласизларми?
Ҳозирги кунда нафақат Ўзбекистон, балки Қирғизистон, Тожикистон, Қозоғистон каби давлатлар ҳам билиб бормоқда. Очиқ айтаман, авваллари брендни ривожлантириш, уни танитиш жуда ҳам қийин бўлган. Биз ҳар хил туҳматларга дучор бўлдик.
Лекин биз тўхтаб қолмадик. Ҳозиргача ишимизни давом эттиряпмиз. Бундан кейин ҳам давом эттирамиз. Айни пайтда тадбиркорларга жуда кенг имкониятлар берилган. Ташқи бозорга чиқиш, экспорт қилиш ҳозир муаммо эмас”, — дейди Ҳикмат Мадраҳимов.
UzAuto Motors акциядорлик жамияти, Ёшлар ишлари агентлиги ҳамда Андижон вилояти ҳокимлиги ташаббуси билан ўтказилган тадбирда уч мингга яқин завод ишчилари, вилоятнинг иқтидорли ва фаол ёшлари иштирок этишди.
Изоҳ (0)