Asaka tumanidagi UzAuto Motors avtomobil ishlab chiqarish zavodida “Konstitutsiya o‘zimizniki” shiori ostida Konstitutsiyaviy qonun loyihasi bo‘yicha targ‘ibot tadbiri va konsert-shou dasturi bo‘lib o‘tdi. Bu haqda “Daryo” muxbiri xabar bermoqda.
UzAuto Motors aksiyadorlik jamiyati tashabbusi bilan tadbirda uch mingga yaqin zavod ishchilari, viloyatning iqtidorli va faol yoshlari ishtirok etishdi.
Tadbir davomida Konstitutsiyaga kiritilayotgan yangiliklar to‘g‘risida, shuningdek referendum o‘tkazish tartibi, unda ishtirok etish bo‘yicha huquqiy tushuntirishlar berildi. Bundan tashqari tadbirda tadbirkorlar Zafar Hoshimov hamda Hikmatillo Madrahimovlar tomonidan Konstitutsiyaga kiritilayotgan o‘zgartirish va qo‘shimchalar har bir fuqaro uchun imkoniyatlar eshigini ochishi, inson huquq va manfaatlari, qadr-qimmatini yanada yuksaltirishi va hayotning barcha sohalarini liberallashtirishda muhim omil bo‘lishi hamda yangi davrni boshlab berishi eʼtirof etdilar. Shuningdek, barchani Referendum jarayonida befarq bo‘lmaslikka chaqirishdi.
Tadbirda O‘zbekiston xalq artisti Ozodbek Nazarbekov hamda “Sahar” guruhi tomonidan ijro etilgan kuy-qo‘shiqlar ijro etildi.
Izoh (0)