“Dadajon, men o‘lyapman de”. Samarqandda ayol eri bilan janjallashib qolgani sababli farzandini bo‘g‘ib qiynadi

Samarqand viloyati Kattaqo‘rg‘on tumanida ayol eri bilan janjallashib qolgani sababli farzandini qiynadi.

Viloyat Ichki ishlar boshqarmasi axborot xizmatiga ko‘ra, 2000-yilda tug‘ilgan X.U. Rossiyada bo‘lgan eri bilan o‘rtasida yuzaga kelgan kelishmovchilik oqibatida jahl ustida bolasini qiynab, tasvirga olib, turmush o‘rtog‘iga yuborgan.

Ijtimoiy tarmoqlarda tarqalgan videoda ayol bolasini bir qo‘lida ko‘tarib, bo‘ynidan bo‘g‘ib, tasvirga olganini ko‘rish mumkin. “Dadajon, men o‘lyapman de. Bolalarimning jonini olaman”, deb ta’kidlagan ayol.

Hozirda holat yuzasidan ichki ishlar bo‘limi tomonidan tergovga qadar tekshiruv harakatlari olib borilmoqda. Holat to‘liq o‘rganilib, fuqaroning harakatlariga huquqiy baho beriladi.