Tabiat resurslari vazirligi Sirdaryo viloyati boshqarmasi, viloyat prokuraturasi, Ichki ishlar va Milliy gvardiya organlari hamkorligida nazorat reyd tadbirini o‘tkazdi. Bu haqda viloyat IIB axborot xizmati xabar berdi.
Ma’lum qilinishicha, tadbir davomida Sirdaryo viloyati Sardoba suv omboridan fuqarolar S.Q. va Sh.E. o‘zlariga tegishli bo‘lgan 2 dona rezina qayiq, 4 dona eshkak va 4 dona 320 metrli taqiqlangan baliq tutish quroli, yaʼni leskali to‘r yordamida jami 6 turdagi 388 dona baliqni noqonuniy ravishda ovlagani aniqlangan.
Holat yuzasidan huquqbuzarlarga nisbatan hujjatlar rasmiylashtirilib, hayvonot dunyosiga yetkazilgan 105 million 870 ming so‘m zarar miqdori belgilangan. Holat yuzasidan surishtiruv ishlari olib borilmoqda.
Avvalroq Toshkent viloyati Chinoz tumanida qonunga xilof ravishda baliq ovlagan fuqaroga chora ko‘rilgani, Termizda elektr qarmoq bilan baliq ovlagan 2 fuqaro 45 mln so‘m jarimaga tortilgani to‘g‘risida xabar berilgandi.
Izoh (0)