Futbol bo‘yicha Jahon Chempionatining yangi formati 16-mart, payshanba kuni tasdiqlanadi.
The Athletic nashrining xabariga ko‘ra, FIFA kongressi Ruanda poytaxti Kigalida JCH—2026 formati bo‘yicha yig‘ilish o‘tkazadi. Musobaqada 48 ta terma jamoa ishtirok etadi.
Dastlab jamoalarni 3 tadan 16 ta guruhga joylashtirish rejasi ko‘rib chiqilayotgan edi. FIFA bu g‘oyadan voz kechib, 4 ta jamoadan iborat 12 ta guruh formatini ma’qulladi.
Mundialda umumiy hisobda 104 ta o‘yin o‘tkaziladi. Turnir 39 kun davom etadi.
2026-yilgi Jahon Chempionati AQSH, Kanada va Meksikada bo‘lib o‘tadi.
Izoh (0)