Madridning “Real” klubi afsonasi Raul yaqin kelajakda klubni boshqarishi mumkin.
AS nashrining xabariga ko‘ra, sobiq futbolchi “Real”da Karlo Anchelottining o‘rnini egallashi kutilmoqda. Italiyalik mutaxassisning madridliklar bilan amaldagi shartnomasi 2024-yilda o‘z nihoyasiga yetadi. Avvalroq Anchelottiga Braziliya futbol konfederatsiyasi qiziqish bildirayotgani xabar qilingandi.
Hozirda Raul “Kastilya”ni boshqarmoqda va jamoa Ispaniyaning uchinchi divizionida 4-o‘rinni egallab turibdi. Murabbiyning “Real” tizimida ishlayotgani ham rahbariyat qo‘rqmasdan unga ishonch bildirishiga sabab bo‘lishi mumkin.
“Qaymoqranglilar” so‘nggi vaqtlarda klubga aloqador mutaxassislarni olib kelayotgandi. Faqatgina Anchelotti bundan mustasno.
Raulning o‘zi ham bu chaqiriqqa tayyorligini bildirgan. So‘nggi so‘z Florentino Peresda qolmoqda.
Izoh (0)