Qozog‘iston ligasida o‘zbek futbolchilariga atalgan kun. “Tobol” va “Ordabasi” g‘alabaga erishdi. Sergeyevdan dubl, Abduxoliqov va Umarov ham gol urdi

Futbol bo‘yicha Qozog‘iston chempionatining 3-turidan o‘rin olgan qator uchrashuvlar 14-mart, seshanba kuni o‘tkazildi.

“Ordabasi” o‘z uyida “Jetisu”ni qabul qildi va o‘zbekistonlik futbolchilarning gollari evaziga g‘alaba qozondi. Uchrashuvning 18-daqiqasida Bobur Abduxoliqov maydon egalari oldinga olib chiqdi. 37-daqiqada Shahboz Umarov o‘z hisobiga gol yozdirib qo‘ydi.

Ushbu g‘alaba evaziga “Ordabasi” ochkolarini 9 taga yetkazib, yetakchilikni davom ettirmoqda.

Kostanayning “Tobol” jamoasi “Shaxtyor Karaganda”ga qarshi bahs yuritdi. O‘yinda O‘zbekiston terma jamoasi hujumchisi Igor Sergeyev dubl qayd etdi, mehmonlar bunga so‘nggi daqiqalarda penaltidan kiritilgan to‘p bilan javob qaytardi.

“Tobol” ham ketma-ket uchta g‘alaba qayd etib, ochkolarini 9 taga yetkazib oldi.

Qozog‘iston chempionati

3-tur bahslari

14-mart, seshanba

“Ordabasi” — “Jetisu” 2:0

Gollar: 1:0 – 18 Abduxoliqov, 2:0 – 37 Umarov.

“Tobol” — “Shaxtyor” 2:1

Gollar: 1:0 – 20 Sergeyev, 2:0 – 57 Sergeyev, 2:1 – 90+1, penalti Tattibayev.