Қозоғистон лигасида ўзбек футболчиларига аталган кун. “Тобол” ва “Ордабаси” ғалабага эришди. Сергеевдан дубль, Абдухолиқов ва Умаров ҳам гол урди

Футбол бўйича Қозоғистон чемпионатининг 3-туридан ўрин олган қатор учрашувлар 14 март, сешанба куни ўтказилди.

“Ордабаси” ўз уйида “Жетису”ни қабул қилди ва ўзбекистонлик футболчиларнинг голлари эвазига ғалаба қозонди. Учрашувнинг 18-дақиқасида Бобур Абдухолиқов майдон эгалари олдинга олиб чиқди. 37-дақиқада Шаҳбоз Умаров ўз ҳисобига гол ёздириб қўйди.

Ушбу ғалаба эвазига “Ордабаси” очколарини 9 тага етказиб, етакчиликни давом эттирмоқда.

Костанайнинг “Тобол” жамоаси “Шахтёр Караганда”га қарши баҳс юритди. Ўйинда Ўзбекистон терма жамоаси ҳужумчиси Игор Сергеев дубль қайд этди, меҳмонлар бунга сўнгги дақиқаларда пенальтидан киритилган тўп билан жавоб қайтарди.

“Тобол” ҳам кетма-кет учта ғалаба қайд этиб, очколарини 9 тага етказиб олди.

Қозоғистон чемпионати

3-тур баҳслари

14 март, сешанба

“Ордабаси” — “Жетису” 2:0

Голлар: 1:0 – 18 Абдухолиқов, 2:0 – 37 Умаров.

“Тобол” — “Шахтёр” 2:1

Голлар: 1:0 – 20 Сергеев, 2:0 – 57 Сергеев, 2:1 – 90+1, пенальти Таттибаев.