Ayni vaqtda prezident Shavkat Mirziyoyev Termiz shahridagi “Yosh chegarachilar” harbiy akademik litseyida xizmat vaqtida qahramonlarcha halok bo‘lgan harbiy xizmatchilarning oila aʼzolari bilan muloqot qilmoqda. Bu haqda “Daryo” muxbiri xabar berdi.
“Xizmat vaqtida halok bo‘lgan xizmatchilarimizni vafot etdi, deb bo‘lmaydi. Ular oila aʼzolari, hamkasblari, xalq va Bosh qo‘mondonning qalblarida hamisha barhayot. Har bir millat o‘z tarixini unutmasligi kerak.
“Karvon bexatar bo‘lmas”, deydilar. Bugun xavf-xatarlar yonimizda yuribdi. O‘tgan davrda mamlakatimiz tinchligiga g‘ov soladigan voqealarning guvohiga aylandik”, — dedi prezident.
Davlat rahbari Sariosiyo va Uzun tumanlaridagi bo‘lgan hodisalarni xalq hali ham unutmaganini aytdi.
“Xalqimizning tinch-totuv hayotiga nizo solmoqchi bo‘lganlarga zarba bera olganmiz. Dushmanlarga qarshi kurashda botir askarlarimiz, ofitserlarimiz va generallarimiz katta jasorat ko‘rsatishdi”, — dedi Shavkat Mirziyoyev.
Izoh (0)