Айни вақтда президент Шавкат Мирзиёев Термиз шаҳридаги “Ёш чегарачилар” ҳарбий академик лицейида хизмат вақтида қаҳрамонларча ҳалок бўлган ҳарбий хизматчиларнинг оила аъзолари билан мулоқот қилмоқда. Бу ҳақда “Дарё” мухбири хабар берди.
“Хизмат вақтида ҳалок бўлган хизматчиларимизни вафот этди, деб бўлмайди. Улар оила аъзолари, ҳамкасблари, халқ ва Бош қўмондоннинг қалбларида ҳамиша барҳаёт. Ҳар бир миллат ўз тарихини унутмаслиги керак.
“Карвон бехатар бўлмас”, дейдилар. Бугун хавф-хатарлар ёнимизда юрибди. Ўтган даврда мамлакатимиз тинчлигига ғов соладиган воқеаларнинг гувоҳига айландик”, — деди президент.
Давлат раҳбари Сариосиё ва Узун туманларидаги бўлган ҳодисаларни халқ ҳали ҳам унутмаганини айтди.
“Халқимизнинг тинч-тотув ҳаётига низо солмоқчи бўлганларга зарба бера олганмиз. Душманларга қарши курашда ботир аскарларимиз, офицерларимиз ва генералларимиз катта жасорат кўрсатишди”, — деди Шавкат Мирзиёев.
Изоҳ (0)