O‘zbekiston va Eron yaqin kelajakda o‘zaro tovar ayirboshlash hajmini 1 milliard dollarga yetkazadi. Bu haqda tashqi ishlar vaziri maʼlum qildi.
Xabarga ko‘ra, Tashqi ishlar vaziri Baxtiyor Saidov Eron tashqi ishlar vaziri Husayn Abdullahiyon bilan uchrashuv o‘tkazdi. Unda yaqin kelajakda o‘zaro tovar ayirboshlash hajmini 1 milliard dollarga yetkazish, shuningdek, sarmoyaviy sheriklik, ishbilarmonlik almashinuvi va xalqlarimiz o‘rtasidagi madaniy aloqalarni rivojlantirish bo‘yicha birgalikdagi saʼy-harakatlarni davom ettirishga kelishib oldingan.
Avvalroq O‘zbekiston va Ozarbayjon o‘rtasida o‘zaro tovar ayirboshlash hajmini bir milliard dollarga yetkazish kutilayotgani xabar qilingandi. Bunga, jumladan, neft-kimyo mahsulotlari, ruda va konsentratlar, alyuminiy, oziq-ovqat mahsulotlari, mexanik va elektrotexnika uskunalari, to‘qimachilik va farmatsevtika mahsulotlari yetkazib berishni ko‘paytirish hisobiga erishish rejalashtirilgan.
Izoh (0)