Futbol bo‘yicha O‘zbekiston Superligasining 2-turida “So‘g‘diyona” 10-mart, juma kuni “Olimpik”ni qabul qildi.
Uchrashuv debyutida “olimpiyachilar” penalti ishlab oldi, 11 metrlik jarima zarbasini Otabek Jo‘raqo‘ziyev golga aylantirdi. 26-daqiqada Jasur Jaloloddinov raqibga nisbatan qo‘pol harakati uchun to‘g‘ridan to‘g‘ri qizil kartochkaga loyiq ko‘rildi va “Olimpik” qolgan vaqtni kamchilikda o‘tkazdi.
Ikkinchi bo‘limning 6-daqiqasida Jasur Hasanov jamoasining kombinatsiyasini muvaffaqiyatli yakunladi. 61-daqiqada mehmonlar yana penaltidan urilgan gol evaziga oldinga o‘tib oldi. 80-daqiqada Hasanov jarima maydoni tashqarisidan aniq zarba yo‘llab, yana muvozanatni tikladi.
Qolgan daqiqalar jizzaxliklarning katta ustunligi ostida o‘tdi, biroq “bo‘rilar” raqib darvozasi tomon boshqa yo‘l topolmadi.
“Olimpik” 2 turda 4 ochko to‘pladi, “So‘g‘diyona” esa dastlabki turdagi mag‘lubiyatdan keyin ilk ochkosini qo‘lga kiritdi.
Superliga
2-tur bahsi
10-mart, juma
“So‘g‘diyona” — “Olimpik” 2:2
Gollar: 0:1 – 9, penalti Jo‘raqo‘ziyev, 1:1 – 51 Hasanov, 1:2 – 61, penalti Odilov, 2:2 – 80 Hasanov.
“So‘g‘diyona”: 27.Milan Mitrovich, 6.Alisher Salimov, 7.Serder Serderov (77.Daniel Nasriddinov, 90+1), 10.Javohir Qahramonov, 11.Jasur Hasanov, 12.Xislat Xalilov (32.Nodir Soyipov, 46) (5.Ayubxon No‘monov, 81), 14.Bobur Yo‘ldoshev, 15.Tarik Isich (26.Ulug‘bek Abdullayev, 46), 22.Sanjar Shoahmedov, 28.Stanislav Andreyev (9.Zenan Zaymovich, 62), 93.Marko Kolakovich.
“Olimpik”: 1.Shukron Yo‘ldoshev, 2.Saidazamat Mirsaidov, 4.Odil Abdumajidov, 5.Shahzod Toirov, 6.Behzod Shamsiyev, 7.Ruslan Jiyanov (17.Temur Mamasidiqov, 64), 11.Otabek Jo‘raqo‘ziyev (77.Rustam Azimov, 78), 21.Muhammadaziz Ibrohimov (18.Sardor Mahmudov, 90+3), 23.Abdurauf Bo‘riyev, 30.Jasur Jaloliddinov, 37.Alisher Odilov (10.Farruhbek Muxtorov, 78).
Ogohlantirishlar: Odilov (36), Mirsaidov (52).
Chetlatish: Jaloliddinov (26).
Izoh (0)