Футбол бўйича Ўзбекистон Суперлигасининг 2-турида “Сўғдиёна” 10 март, жума куни “Олимпик”ни қабул қилди.
Учрашув дебютида “олимпиячилар” пенальти ишлаб олди, 11 метрлик жарима зарбасини Отабек Жўрақўзиев голга айлантирди. 26-дақиқада Жасур Жалолоддинов рақибга нисбатан қўпол ҳаракати учун тўғридан тўғри қизил карточкага лойиқ кўрилди ва “Олимпик” қолган вақтни камчиликда ўтказди.
Иккинчи бўлимнинг 6-дақиқасида Жасур Ҳасанов жамоасининг комбинациясини муваффақиятли якунлади. 61-дақиқада меҳмонлар яна пенальтидан урилган гол эвазига олдинга ўтиб олди. 80-дақиқада Ҳасанов жарима майдони ташқарисидан аниқ зарба йўллаб, яна мувозанатни тиклади.
Қолган дақиқалар жиззахликларнинг катта устунлиги остида ўтди, бироқ “бўрилар” рақиб дарвозаси томон бошқа йўл тополмади.
“Олимпик” 2 турда 4 очко тўплади, “Сўғдиёна” эса дастлабки турдаги мағлубиятдан кейин илк очкосини қўлга киритди.
Суперлига
2-тур баҳси
10 март, жума
“Сўғдиёна” — “Олимпик” 2:2
Голлар: 0:1 – 9, пенальти Жўрақўзиев, 1:1 – 51 Ҳасанов, 1:2 – 61, пенальти Одилов, 2:2 – 80 Ҳасанов.
“Сўғдиёна”: 27.Милан Митрович, 6.Алишер Салимов, 7.Сердер Сердеров (77.Даниэль Насриддинов, 90+1), 10.Жавоҳир Қаҳрамонов, 11.Жасур Ҳасанов, 12.Хислат Халилов (32.Нодир Сойипов, 46) (5.Аюбхон Нўмонов, 81), 14.Бобур Йўлдошев, 15.Тарик Исич (26.Улуғбек Абдуллаев, 46), 22.Санжар Шоаҳмедов, 28.Станислав Андреев (9.Зенан Займович, 62), 93.Марко Колакович.
“Олимпик”: 1.Шукрон Йўлдошев, 2.Саидазамат Мирсаидов, 4.Одил Абдумажидов, 5.Шаҳзод Тоиров, 6.Беҳзод Шамсиев, 7.Руслан Жиянов (17.Темур Мамасидиқов, 64), 11.Отабек Жўрақўзиев (77.Рустам Азимов, 78), 21.Муҳаммадазиз Иброҳимов (18.Сардор Маҳмудов, 90+3), 23.Абдурауф Бўриев, 30.Жасур Жалолиддинов, 37.Алишер Одилов (10.Фарруҳбек Мухторов, 78).
Огоҳлантиришлар: Одилов (36), Мирсаидов (52).
Четлатиш: Жалолиддинов (26).
Изоҳ (0)