Toshkent shahrida “Ryodan” harakatiga aloqadorlikda gumonlangan 50 ga yaqin o‘smir ushlangani haqida xabar berilgandi. Poytaxt IIBB xabariga ko‘ra, ularga qarshi bo‘lgan bir guruh voyaga yetmaganlar “Antiryodan” harakatini ham joriy etishgan.
Ma’lum bo‘lishicha, o‘ttizdan ortiq yoshlar “Antiryodan” harakatini tashkil qilib, buzg‘unchilik g‘oyalarini ilgari surayotganlarga qarshi kurashmoqchi bo‘lgan. “Biz alohida guruh tashkil qildik. Unda ‘Ryodan’ harakati g‘oyalari absurd, hech qanday foyda keltirmasligi va davlatga xavf tug‘dirishi mumkinligi haqida gap boradi”, — deydi guruh a’zosi.
“O‘rtoqlarimiz bilan ko‘chada ketayotganimizda 2-3 yigit yonimizga kelib, sizlar ‘Ryodan’misizlar deb so‘radi. Ha, deganimizda bizni urishmoqchi edi. Yo‘q, u nima degani deb so‘radik. Shundan so‘ng bizga bu haqda qisqa ma’lumot berishdi. Uyga borgandan keyin bu harakat haqida internetdan to‘liqroq ma’lumot oldim.
O‘rganish jarayonida harakat a’zolari dinimiz, davlatimiz haqida yomon gaplar gapirganini ko‘rdik. Eng yomoni, ular ko‘chada ketayotgan yoshlarga pichoq berib, odamlarga qarshi chiqish kerakligini, urib pichoqlash kerakligini uqtirgan. Shundan so‘ng o‘rtog‘im bilan ‘Antiryodan’ harakatini tuzish xayolimizga keldi. Telegram’da guruh ochdik o‘ttiztacha odam yig‘ildi. U yerga bitta ryodanchi qo‘shilib olib, yakshanba kuni barchangizni yo‘q qilamiz deb do‘q-po‘pisa qildi”, — deydi guruh asoschilaridan biri.
Izoh (0)