Bugun,

Toshkentda

+34°C

USD 11095.31
RUB 173.84
EUR 10772.44

Mahalliy

7 mart, 20:10

6161

Birinchi o‘zbek ayol dirijyori, olima, traktorchi, pillachi qizlar, ayollar klubi aʼzolari. “O‘zbek ayoli — o‘tmish, nafosat, kelajak ramzi” anʼanaviy II respublika ko‘rgazmasiga fototashrif

Toshkent fotosuratlar uyida Adliya vazirligi huzuridagi “O‘zarxiv” agentligi bilan hamkorlikda anʼanaviy II respublika fotoko‘rgazmasi ochildi.

8-mart — Xalqaro xotin-qizlar kuni arafasida tashkil etilgan ushbu ko‘rgazma taʼlim sohasidagi fidoyi ayollarning 200 dan ziyod fotosuratlarini o‘zida jamlagan.

Bundan tashqari, ko‘rgazmadagi suratlarda ayollar taʼlimi tarixi hamda ayollarning ijtimoiylashuvi singari mavzular aks etgan. “Daryo” fotomuxbiri Dilruh Isomiddinova Fotosuratlar uyida bo‘lib, ko‘rgazma suratlarini galereyaga jamladi.

Fotoko‘rgazma shu yilning 11-mart sanasiga qadar davom etadi. Kirish mutlaqo bepul.

Guliston shahridagi “Quvonch” bolalar bog‘chasi tarbiyachisi Svetlana Soy tayyorgarlik guruhi tarbiyalanuvchilariga jismoniy tarbiya mashg‘ulotlarini o‘tkazmoqda, 1998-yil.

Toshkent shahridagi 92-sonli maktabning hind tili o‘qituvchisi D.Yusupova 9-sinf o‘quvchisi Z.Mavlonovaning uy vazifasini tinglamoqda, 1992-yil.

Tepada: Respublika pionerlar madaniyat saroyi “Yulduzcha” xoreografiya ansambli qizlari, 1984-yil.
Pastda: Toshkent shahridagi 107-sonli maktab o‘qituvchisi Muyassar Shomirzayeva lingafon xonasida o‘quvchilarga dars o‘tmoqda, 1989-yil.

O‘zbek xotin-qizlari 8-mart bayramini nishonlash chog‘ida, 1930-yil.

Traktorchi kasbini birinchilardan bo‘lib egallagan o‘zbek qizlari, 1930-yil.

Ayollar klubi aʼzolari. Doskada “Din — xalq uchun qora dori” deb yozilgan, 1933-yil.

Markaziy ayollar klubida umumtaʼlim maktabi darslari. Uljayeva Taraxon 6-“B” sinf o‘quvchisi, uy bekalariga kitob o‘qimoqda, 1936-yil.

K.E.Voroshilov nomidagi Toshkent qishloq xo‘jaligi mashinasozligi zavodi savodsizlikni tugatish kursi o‘qituvchisi Nazira Ramazonova tinglovchilarga o‘qishni o‘rgatmoqda, 1938-yil.

Xalq artisti Halima Nosirovaning saylovchilar bilan uchrashuvi, 1938-yil.

Xalq artistlari Tamaraxonim va Mukarrama Turg‘unboyevalar paxta terimida, 1938-yil.

Xalq artisti Tamaraxonim xotin-qizlar davrasida, 1940-yil.

“Fidokorona mehnatlari uchun” medali sohibasi, Buxoro shahridagi M.Gorkiy nomli maktab o‘qituvchisi Mariya Ivanovna Valyanskaya o‘quvchilarning sinf daftarlarini ko‘rish chog‘ida, 1945-yil.

ToshMI talabalari Jamilova Sharifa va Shamurotova Qumri darsga tayyorlanmoqda, 1945-yil.

Kuybishev nomidagi ayollar maktabi 4-sinf o‘quvchisi Xabiya Sotiboldiyeva tabiatshunoslik darsida, 1946-yil.

“Izvestiya” nomidagi Toshkent maktabi o‘quvchilari imtihonga tayyorgarlik chog‘ida, 1947-yil.

O‘zbekiston SSR Oliy Soveti deputatligiga nomzod, Payariq tumani 38-sonli maktab o‘qituvchisi T.Rahimova, 1947-yil.

Toshkent astronomik observatoriyasida professor aspirantga dars o‘tish chog‘ida, 1948-yil.

Samarqand rayoni “Parij kommunasi” qishloq xo‘jaligi arteli mohir bog‘dorchisi Nubuvvat Ahadova uzum hosilini yig‘ishtirmoqda, 1948-yil.

Andijondagi 5-maktab aʼlochi o‘quvchilari geografiya darsida, 1948-yil.

Yangiyo‘l tumani “Sharq yulduzi” kolxozining 7-sinf o‘quvchilari geografiya darsida, 1950-yil.

Xalq artisti Maryam Yakubova, 1952-yil.

O‘zbekiston yozuvchilari uyushmasi aʼzosi Abdulla Qahhor yosh yozuvchi ayollar bilan, 1954-yil.

Turkman qizlari taʼlim olmoqda.

Musulmonlar maktabi husnixat darsida.

Savodsizlikni tugatish kursida tahsil olayotgan xotin-qizlar, 1928-yil.

“O‘zbekiston xotin-qizlari” jurnali bosh muharriri, shoira Zulfiya ish ustida, 1954-yil.

Mukarram Gulyamova — O‘zbekistonda xizmat ko‘rsatgan murabbiy, qahramon ona (Toshkent shahridagi 145-sonli maktab o‘qituvchisi), 1955-yil.

L.Sultanova — birinchi o‘zbek ayol dirijyori, 1955-yil.

Qahramon ona Rahima G‘ulomova mahalla ayollariga “O‘zbekiston xotin-qizlari” jurnali yangi sonini o‘qib bermoqda, 1955-yil.

Toshkent davlat pedagogika instituti o‘qituvchisi N.R.Rahimova talaba qizlar M.Yunusova, I.Hayitqulova va X.Boltayevalarga jismoniy tarbiya darsini o‘tmoqda, 1955-yil.

O‘zbekistonda xizmat ko‘rsatgan murabbiy Ganiya Karimova Toshkent shahridagi 28-sonli maktabning sobiq o‘quvchilari davrasida, 1957-yil.

Toshkent to‘qimachilik instituti ayol olimasi, texnika fanlari nomzodi, dotsent Maqsuda Xadijanova.

Kolxozning mohir pillachi qizlari Xanum Babayeva va Toktash Gulaeva xirmonda, Surxondaryo viloyati, 1961-yil.

“To‘qimachi” madaniyat saroyi “To‘quvchi” qizlar klubi aʼzolari dasturxon tuzash sirlarini o‘rganmoqda, 1975-yil.

Toshkent davlat universitetining xotin-qizlar jamoasi Xalqaro ayollar kongress yig‘ilishi ochilishi chog‘ida, 1975-yil.

Anorchilik sohasi mirishkorlari bilan o‘zaro suhbat, 1977-yil.

Xo‘jaobod ixtisoslashtirilgan maktab-internatining auditoriyasida mutaxassis bilan mashg‘ulotlar, 1988-yil.

Toshkent shahridagi L.B.Shastri nomidagi 24-sonli o‘rta maktabning hind tili o‘qituvchisi Raʼno Botirova o‘quvchilarga hindcha qo‘shiq o‘rgatmoqda, 1986-yil.

O‘zbekiston Qahramonlari: (chapdan) Dilbar Akromova, Vera Pak, Suyima G‘aniyeva, Munojot Yo‘lchiyeva, Martiya Rahmatova, Oyshaxon Qo‘chqorova, Xolchaxon Mirzayeva.

O‘zbekiston Qahramonlari: (chapdan) Lola Murodova, Manzura Madaliyeva.

O‘zbekiston Qahramonlari: (chapdan) Onesiya Saitova, Siyosatxon Abdullayeva.

Izoh(0) Biz Telegram’da

Ulashing:

Izoh

Asosiy yangiliklar

Mahalliy

O‘zbekistonda ekologiya, o‘simlik va hayvonot dunyosiga zarar yetkazish og‘ir jinoyatlar toifasiga kiritiladi

Bugun, 18:05

Biznes

O‘zbekistonda tarvuz eksporti mavsum boshidan rekord qayd etdi

Bugun, 17:40

Mahalliy

15 mlrd so‘m o‘zlashtirishda ayblanayotgan Termiz shahar sobiq hokimi va sheriklarining sudi boshlandi

Bugun, 17:30