O‘zbekistonda o‘tgan ikki oyda 1515 ta holatda 242 gektar yer uchastkalari  o‘zboshimchalik bilan egallangan. Bu haqda AOKAda o‘tkazilgan brifingda Kadastr agentligi axborot xizmati rahbari Neʼmat Atamuratov maʼlum qildi.

Uning so‘zlariga ko‘ra, shundan 1473 ta yoki 235,7 gektar yer qonun buzilishini sodir etgan shaxslarga yozma ko‘rsatmalar yuborildi va 398 ta  
(41,6 gektar) sodir etilgan yer qonun buzilish holatlari ixtiyoriy ravishda bartaraf etildi.

O‘zboshimchalik bilan egallangan maydonlarni qaytarish, noqonuniy qurilmalarni bartaraf etish yuzasidan sudlarga 134 ta daʼvo arizasi kiritildi.

Shuningdek, yerga oid qonun buzilishi holatlarida jinoyat alomatlari kuzatilgan 65 ta ish hujjatlari o‘rnatilgan tartibda prokuratura organlariga yuborildi.