Timur shu yil qishda Moskvaga, mahalliy restoranlardan birida oshpaz bo‘lib ishlash uchun O‘zbekistondan keldi. Dastlabki kunlarda u maoshini olish va oilasiga pul jo‘natish uchun qaysi bankda karta ochish borasida bir qarorga kelishi kerak edi. Takliflar ko‘p, biroq ularning barchasi turlicha: birida qimmat, birida noqulay, yana birida esa agar mamlakat fuqarosi bo‘lmasang, umuman imkonsiz. Ammo Temur buning yechimini topdi va hozir uni o‘quvchilar bilan baham ko‘rmoqchi.
Qanday qilib bank izlaganim haqida
Yangi yildan keyin men Rossiyaga borishga qaror qildim. Men oshpaz bo‘lib ishlayman, Moskvada esa juda ko‘p kafe va restoranlar mavjud va shuning uchun u yerda tezda ish topishim mumkin deb o‘yladim. Ikki haftalik suhbatdan so‘ng meni ishga olishdi. Shunda menda bir muammo paydo bo‘ldi: maoshimni naqd pulda berishmaydi, kartaga tashlab berishadi va men biror bankni tanlashim kerak edi.
Men bunga ikki kun vaqt sarfladim. Men uchun bir nechta jihat muhim edi:
1. Bank norezidentlarga ham karta beradigan bo‘lishi kerak, chunki menda Rossiya fuqaroligi yo‘q;
2. O‘tkazmalar ko‘p qimmatga tushmasligi va qulay bo‘lishi kerak;
3. Bank aldamasligi va mendan ortiqcha pul yechib olmasligi kerak.
Ushbu mezonlarga ko‘ra men Tinkoffʼni tanladim. Bu Rossiyadagi mashhur banklardan biri bo‘lib, uning birorta ham filiali yo‘q. Barcha amallar – kartani rasmiylashtirish, pul o‘tkazish, kartani to‘ldirish – saytda yoki mobil ilovada amalga oshirilishi mumkin. Men uchun bu katta afzallik edi, chunki bankda navbatda turishga vaqtim yo‘q, kartani esa ertasi kuniyoq olishim zarur edi.
Rossiya bank kartasini qanday oldim
Men saytda Tinkoff Black kartasi uchun ariza to‘ldirdim. Bu bankning hatto chet elliklar ham olishi mumkin bo‘lgan asosiy kartasi.
Agar siz ham men kabi norezident bo‘lsangiz, sizga migratsiya kartasi, ish patenti, yashash uchun ruxsatnoma yoki viza kerak bo‘ladi. Menda bularning barchasi bor edi, shuning uchun rasmiylashtirish atigi 5 daqiqa vaqt oldi. Anketaning oxirida menga kartani olish uchun uchrashish vaqti va joyi taklif etildi. Men o‘zim ishlayotgan restoran manzilini kiritdim.
Kartani qanday oldim
Ertasi kuni ishxonamga bank vakili keldi. Men qog‘ozlarni imzoladim, suratga tushdim va hujjatlarimni ko‘rsatdim. Shu xolos! Kartamni qabul qilib oldim. Aytgancha, mendan yetkazib berish uchun ham pul olishmadi. Hammasi bepul bo‘ldi va sovg‘a sifatida menga bank kartalari uchun hamyon ham berishdi.
Shundan so‘ng men Tinkoff ilovasini yuklab oldim. Ilovani ochishim bilan hisob raqamim ko‘rinib turgan edi, yaʼni hisobimda qancha pul borligini ko‘rdim (hozirgacha nol rubl).
O‘zbekistonga ota-onamga qanday qilib pul o‘tkazaman
Eslatib o‘taman, ota-onamga pul yuborish men uchun muhim edi. Ularda O‘zbekiston bank kartasi bor, lekin Tinkoff kartasi yo‘q. Avvaliga men pulni yechib olib, so‘mga almashtirib, boshqa bank orqali yoki katta miqdorda komissiya to‘lovi olib qoladigan maxsus xizmat orqali o‘tkazishim kerak, deb o‘yladim. Lekin unday bo‘lmadi.
Men Tinkoff mobil ilovasi orqali 5000 rubl yubordim. Shunchaki dadamning telefon raqamini kiritdim, rubllar avtomatik tarzda o‘zbek so‘miga aylandi. Hatto komissiya to‘lashimga ham hojat bo‘lmadi. Bir daqiqadan so‘ng dadam qo‘ng‘iroq qilib, pul kelganini, hammasi joyidaligini aytdilar. Menga yoqadigan narsa – pullarni o‘tkazayotgan vaqtda ekranda bugungi kundagi valyuta kursi va hisob raqamga o‘tadigan o‘zbek so‘midagi summani ko‘ra olishim.
Tinkoff Black kartasidan oyiga 20 000 ₽ gacha pul mablag‘larini bepul o‘tkazish mumkin, undan ko‘p summaga 1 foiz komissiya olinadi. Agar Tinkoff Pro obunasi ulangan bo‘lsa, komissiyasiz o‘tkazma summasi 50 000 ₽ gacha oshadi.
Reklama huquqi asosida.
Izoh (0)