Erkin iqtisodiy va sanoat zonalaridagi sug‘urtalash
2022-yilda “O‘zbekinvest” erkin iqtisodiy va sanoat zonalari subyektlari faoliyatini moliyaviy risklar oqibatlaridan himoya qilish, va bu orqali milliy iqtisodiyotni rivojlantirishga hissa qo‘shishda o‘z faoliyatini davom ettirdi.
Kompaniyaning ushbu sohadagi sug‘urta mukofotlari yig‘imi 2022-yilda 11,9 milliard so‘mni tashkil etib, 2021-yilga nisbatan sug‘urta hajmlari 130 foizga o‘sdi.
2022-yil davomida “O‘zbekinvest” tomonidan erkin iqtisodiy va sanoat zonalari subyektlari faoliyatida sodir bo‘lgan sug‘urta hodisalari bo‘yicha 2021-yilga nisbatan ikki baravarga ko‘p sug‘urta to‘lovlari amalga oshirilib, bu qiymat 9,5 milliard so‘mga teng bo‘ldi.
Kompaniyaning korxonalar uchun dolzarb bo‘lgan sug‘urta mahsulotlarini ishlab chiqish, shuningdek, kompleks sug‘urta xizmatlarini ko‘rsatish bo‘yicha faol saʼy-harakatlari tufayli korxonalar bilan 1400 dan ortiq shartnomalar tuzildi va kompaniyaning o‘z zimmasiga olgan majburiyatlari hajmi 7,4 trillion so‘mni tashkil etdi.
Investitsion loyihalarni sug‘urtalash hajmini oshirish
Mamlakatda investitsiya muhitini yanada yaxshilash Yangi O‘zbekistonni rivojlantirishning ustuvor vazifalaridan biridir. Shuning uchun “O‘zbekinvest” investorlar uchun eng qulay sug‘urta sharoitlarini yaratish bo‘yicha faol ish olib bormoqda.
Iqtisodiy va investitsiya faolligi o‘sishini taʼminlagan holda, 2022-yilda kompaniya tomonidan 42,2 milliard so‘m sug‘urta mukofotlari olingan bo‘lib, ushbu ko‘rsatkich 2021-yilga nisbatan 132 foizga oshgan.
2022-yil davomida “O‘zbekinvest” tomonidan investitsiya loyihalarini sug‘urta qilish yo‘nalishida tuzilgan shartnomalar bo‘yicha 1,2 milliard so‘m sug‘urta tovonlari to‘lab berildi.
Yillar davomida yaratilgan moliyaviy risklardan investitsiya loyihalarini himoya qilish mexanizmi kompaniyaga 3300 dan ortiq shartnomalar tuzish imkonini berdi, 2022-yilda kompaniyang o‘z zimmasiga olgan majburiyatlar hajmi 23,7 trillion so‘mni tashkil etdi.
Joriy yilda kompaniya investitsiya loyihalarini, shuningdek, EIZ va KSZ rezidentlarini sug‘urtalashda kuchli va ishonchli hamkor mavqeini mustahkamlash bo‘yicha kompleks chora-tadbirlarni amalga oshirishni rejalashtirgan. Xususan, EIZ rezidentlari uchun keng qamrovli sug‘urta qoplamalarining afzalliklari haqida maʼlumot berish maqsadida seminarlar o‘tkazilishi rejalashtirilgan.
Reklama huquqi asosida.
Izoh (0)