Qisman mos keladigan ilik (ildiz hujayralarni) ko‘chirib o‘tkazish xuddi to‘liq mos keladigan ilik ko‘chirib o‘tkazish kabi samaralidir.
Acıbadem Ilik markazi vrachlari bu sohadagi ishlanmalar va bolalarda qisman mos keladigan ildiz hujayralarni ko‘chirib o‘tkazishning barcha nozik jihatlari: uning kimlarga to‘g‘ri kelishi, qanday kasalliklarni davolashi, qanday o‘tkazilishi va kim donor bo‘lishi mumkinligi haqida so‘zlab beradilar.
Tug‘ma va onkologik kasalliklari bo‘lgan bolalarga ilik ko‘chirib o‘tkaziladi, shuningdek, ushbu amaliyotni hattoki chaqaloqlarda ham qo‘llash mumkin. Bugungi kunda immun tizimida tug‘ma nuqsonlari va hayot uchun xavfli holatlari bo‘lgan chaqaloqlar hayotini ilik ko‘chirib o‘tkazish yordamida saqlab qolish mumkin.
Eng yaxshi donor – qondosh aka-uka va opa-singil
“Bolalarning o‘sishi muayyan vaqtgacha davom etadi va ularning ilik materialini kattalarniki bilan bir xil deb hisoblab bo‘lmaydi. Shuning uchun qondosh aka-ukalar yoki opa-singillar, shuningdek ilik materiali qisman mos keladigan qondosh bo‘lmagan donorlar va Butunjahon donorlar bankidan patsiyent bilan operatsiya uchun zarur parametrlar bo‘yicha yuqori darajada mos keladigan nomzodlar eng yaxshi donorlar hisoblanadi”, - deb taʼkidlaydi Acıbadem shifoxonalar tarmog‘i professori, tibbiyot fanlari doktori Byulent Antmen.
Qondosh aka-uka yoki opa-singil – retsipiyent va donor o‘rtasida to‘qimalarning eng yaxshi mos kelishi sababli afzal tanlov hisoblanadi. Amaliyotdan maʼlum – bunda boshqa donorlik guruhlariga nisbatan kasal yuqtirish xavfining juda kichik va ko‘chirib o‘tkaziladigan material qabul qilinmasligining ham kamroq bo‘lishi kuzatiladi.
Buning ustiga, ushbu holda ko‘chirib o‘tkazilgan ilikni organizm qabul qilmasligining oldini olish uchun Tyubingen protokoli bo‘yicha qo‘shimcha terapiya qo‘llanishi mumkin. Bu, Acıbadem tibbiyot kompaniyalari guruhi professori Gyulyuz Ozturk taʼkidlaganidek, qondosh aka-ukalari yoki opa-singillari bo‘lmagan, lekin operatsiyaga muhtoj ko‘plab odamlar uchun juda yaxshi imkoniyat beradi.
Bolalarda ilik ko‘chirib o‘tkazish bosqichlari
Ilik ko‘chirib o‘tkazish arafasida patsiyent va uning donorida barcha skrining testlari o‘tkaziladi, agar kasallik irsiy omilga ega bo‘lsa – uni tegishli donorlar – qarindoshlarda istisno etish muhim.
Shuningdek, ilik ko‘chirib o‘tkazishgacha patsiyentda turli infeksiyalarga testlar va qonning biokimyoviy tahlili bilan birga nefrologik, respirator va kardiologik tekshiruvlar o‘tkaziladi. Keyin xavfli hujayralarni yo‘qotish va yangi ildiz hujayralar uchun joy bo‘shatish maqsadida jadal kimyoviy terapiya amalga oshiriladi. Ilik ko‘chirib o‘tkaziladigan kunning o‘zida esa patsiyentga ildiz hujayralar kiritiladi, ular 24-72 soat mobaynida ko‘payadi va joylashadi. So‘ngra, birinchi haftada yangi hujayralarga nisbatan immun tizimining hech qanday reaksiyasi bo‘lmasligi kerak, lekin bu davrda salbiy taʼsir ko‘rsatishi mumkin bo‘lgan barcha dorilar imkon qadar bekor qilinadi. Birmuncha vaqt o‘tganidan so‘ng “transplantat xo‘jayinga qarshi” reaksiyasi (temperatura, toshma yoki diareya bilan isitma) paydo bo‘lishi mumkin.
“Eng muhimi – donor materiali qabul qilinmasligidan saqlanish, uning oldini olish, chunki eski hujayralar yangilari bilan "kurasha boshlaydi”va bunda dori-darmon bilan davolash yordam berishi mumkin», - deydi professor Gyulyuz Ozturk.
Ko‘chirib o‘tkazishdan so‘ng nima bo‘ladi?
Professor Antmen ilik ko‘chirib o‘tkazish operatsiyasidan keyingi davrni quyidagi tarzda tavsiflaydi: “Organizm, hatto hech qanday muammolar yuzaga kelmaganda ham, ilik ko‘chirib o‘tkazilganidan so‘ng 1 yil mobaynida to‘liq tiklanadi. Bu davrda infeksiyalar bilan kurashish juda muhim. Kamida 6 oy mobaynida dori-darmonlarni qo‘llash, keyingi 6 oy mobaynida esa dorilarsiz kuzatuv olib borish zarur. Immun tizimi qayta tiklanganib, bola to‘liq sog‘ayib ketganidan so‘ng uning sog‘lig‘ini 20-yoshgacha, uning jinsiy yetilish davrini, gormonlar balansini va hokazolarni kuzatib borgan holda nazorat qilib borish zarur”.
Qisman mos keladigan ilik ko‘chirib o‘tkazishda hozirning o‘zidayoq muvaffaqiyatlarga erishilgan. Bu – tug‘ma gemotologik kasalliklardan tortib onkologik kasalliklargacha bo‘lgan ko‘plab xavfli kasalliklarda juda ajoyib yechim.
Turkiyadagi Acıbadem shifoxonalarida davolanishga oid o‘zingizni qiziqtirgan barcha savollar yuzasidan Acıbademʼning Toshkent va Samarqanddagi vakolatxonasiga murojaat qilishingiz mumkin:
Toshkentdagi vakolatxonamizning manzili: Toshkent shahri, Mirzo Ulug‘bek tumani, Buyuk ipak yo‘li mavzesi, 19-uy.
Telefon: +998 95 144 54 45
Samarqanddagi vakolatxonamizning manzili: Samarqand shahri, Mirzo Ulug‘bek 140.
Telefon: +998 66 234 41 71
Rasmiy sayt orqali barcha kerakli maʼlumotlarga ega bo‘lishingiz mumkin: www.acibadem.com.ru
Shuningdek, qo‘shimcha maʼlumotlarni olish uchun, hamda tajribali va yuqori malakali shifokorlarning qabuliga yozilish uchun Acıbadem rasmiy Telegram vа Instagram sahifalariga aʼzo bo‘lishingiz mumkin.
Reklama huquqi asosida.
Izoh (0)