Dzyudo. Katta dubulg‘a musobaqasining ikkinchi kungi bahslarida o‘zbekistonlik sportchilar bitta oltin va 2 ta bronza medalini qo‘lga kiritdi

Toshkentda 4-mart kuni dzyudo bo‘yicha Katta dubulg‘a musobaqasining ikkinchi kungi bahslari davom ettirildi.

-73 kg vazn toifasida kurashgan Murodjon Yo‘ldoshev finalga qadar yetib bordi. Hal qiluvchi bellashuvda Yo‘ldoshev qozog‘istonlik Doniyor Shamshayevni mag‘lub etib, musobaqaning oltin medaliga ega chiqdi. 

Shuningdek, -81 kg vazn toifasida kechgan bronza medali uchun bahsda ikki o‘zbekistonlik dzyudochi to‘qnash keldi. Sharofiddin Boltaboyev va Muso Sobirov o‘rtasidagi bellashuvda Sobirovning qo‘li baland keldi.

Ayollar musobaqalarida esa Gulnoza Matniyozova bronza medalini qo‘lga kiritdi. Ukrainalik Nataliya Chistyakovaga qarshi bahsda Matniyozova mag‘lubiyatga uchrayotganiga qaramay bahs yakuniga 4 soniya qolganida g‘alabani ilib ketdi.

Katta dubulg‘aning birinchi kungi bahslarida Sardor Nurillayev kumush, Muhriddin Tilovov va Doston Ro‘ziyevlar bronza medalini qo‘lga kiritgandi.