AQSHning Texas shtatida bir kishi miyani yeb qo‘yadigan amyobadan vafot etdi, infeksiya vodoprovod suvida aniqlangan. Bu haqda The New York Post xabar berdi.
Ma’lum qilinishicha, bemor erkak burnini vodoprovod suvida yuvganidan keyin infeksiya uning organizmiga kirgan. Oqibatda erkak 20-fevral kuni vafot etgan. Kasalliklarni nazorat qilish va oldini olish markaziga ko‘ra, erkak har kuni burnini vodoprovod suvi bilan yuvgan, bu esa infeksiyani keltirib chiqargan. Mazkur holat 2023-yilda miyani yeb qo‘yadigan Naegleria fowleri amyoba infeksiyasidan ilk o‘lim holati hisoblanadi.
“Sharlott Sog‘liqni saqlash departamenti ushbu infeksiya qanday kelib chiqqanini tekshirishni davom ettirmoqda va har qanday potensial aloqani aniqlash va kerak bo‘lganda zarur choralar ko‘rish uchun mahalliy kommunal xizmatlar bilan ishlamoqda”, — deyiladi xabarda.
Naegleria fowleri’dan o‘lim holati 97 foizdan oshadi. Amyoba burun orqali tanaga kiradi va miyaga boradi, miya to‘qimalarining nobud bo‘lishi, miya shishi va o‘limga olib keladi.
Izoh (0)