The Best—2022. Мавсумнинг энг яхшиларини тақдирлаш маросимидан фотогалерея

ФИФА 27 февраль, душанба куни мавсумнинг энг яхшиларига The Best совринларини топширди. Қуйида маросимдан фотогалерея тақдим этилади. 

Тадбирга нуфузли меҳмонлар ташриф буюрди. 

Тақдирлаш маросимида бразилиялик афсонавий футболчи Пеле ёдга олинди. 

Йилнинг энг яхши мураббийи номига Аргентина терма жамоаси бош мураббийи Лионель Скалони муносиб топилди. Ушбу совринга даъвогарлар учлигида Карло Анчелотти (“Реал”) ва Хосеп Гвардиола (“Манчестер Сити”) бор эди.

Аргентина терма жамоасининг яна бир вакили Эмилиано Мартинес (“Астон Вилла”) йилнинг энг яхши дарвозабонига айланди. Бу борада Мартинесга Тибо Куртуа (“Реал”, Бельгия) ва Яссин Буну (“Севилья”, Марокаш) рақобатчи бўлганди.

Йилнинг энг чиройли голи муаллифига топшириладиган “Пушкаш соврини”га полшалик Марчин Олекси лойиқ кўрилди.

ФИФА ва FIFPro талқинига кўра йил рамзий терма жамоаси ҳам аниқланди.

“Барселона” аъзоси Алексия Путеляс аёллар футболида йилнинг энг яхшиси деб топилди.

Йилнинг энг яхши ўйинчиси сифатида “ПСЖ” клуби ва Аргентина терма жамоаси ҳужумчиси Лионель Месси эътироф этилди.