28-fevral kuni Toshkentda “Bunyodkorlik – UzBuild 2023” 24-O‘zbekiston xalqaro ko‘rgazmasi ochildi, unda mamlakatimizning yirik mahalliy sanoat xoldinglaridan biri – Akfa va Imzo ishtirok etmoqda. Kompaniya ushbu ko‘rgazmada O‘zbekiston iqlimi uchun quvvat tejovchi yangi samarali yechimlarni taqdim etdi.
UzBuild — O‘zbekistondagi qurilish sanoatining yetakchi ko‘rgazmasi hisoblanib, an’anaviy tarzda yangi qurilish mavsumini ochib berib, uning asosiy tendensiyalarini aniqlab beradi. O‘zbekistonning qurilish sanoati — yillik barqaror o‘sish va qiziqishni namoyish etib beruvchi iqtisodiyotning ustuvor tarmoqlaridan biri hisoblanadi. Mamlakatimizda so‘nggi yillarda kuzatilayotgan faol keng ko‘lamli bunyodkorlik ishlari eng yangi texnologiya va uskunalar, zamonaviy hamda quvvat- tejovchi samarali yechimlardan foydalanishni taqozo etmoqda.
Joriy yilda O‘zbekistonning eng yirik sanoat xoldinglaridan biri – Akfa va Imzo ning ekspozisiyasi 81 kv.m. ni egalladi. Korxona alyuminiy va PVX profillar, deraza-eshik konstruksiyalari, isitish radiatorlari, alyuminiy kompozit panellari hamda qurilish materiallari ishlab chiqarish bilan shug‘ullanadi. Xolding o‘z stendida faoliyatning uchta asosiy yo‘nalishi bo‘yicha eng yaxshi yechimlarni taqdim etdi: Akfa Windows&Doors (deraza-eshik tizimlari), Akfa Build (qurilish va shahar yechimlari) va Akfa Comfort (isitish yechimlari).
Bundan tashqari, kompaniya O‘zbekiston iqlimi uchun mukammal yechim bo‘la oladigan yangi quvvat-tejovchi deraza-oynalarni taqdim etdi. Bunday deraza-oynalarni ishlab chiqarish uchun xona ichidagi issiqlikni mustaqil tarzda saqlab turishga qodir bo‘lgan maxsus oynapaketlardan foydalanadilar. Tashqi tomondan, ular standart modellardan farq qilmaydi va shunday ishlaydiki, bunda insonning hatto minimal ishtiroki ham talab etilmaydi. Deraza-oynalar mustaqil ravishda, qo‘shimcha qurilmalarsiz xona ichidagi haroratni ushlab turadi, bu esa o‘z navbatida sovuq qish hamda, issiq yoz mavsumi uchun ham birdek ayni muddao bo‘ladi.
Quvvat-tejovchi deraza-oynalarning asosiy afzalliklari:
• Quvvat-tejovchi deraza-oynalar binolardan jami issiqlik yo‘qotilishini 30 foizga kamaytirishi imkonini beradi, shuningdek, to‘liq muzlashga yo‘l qo‘ymaydi;
• Ushbu texnologiya tufayli deraza teshiklari hududi orqali 38-40 foiz gacha kamroq quvvat yo‘qoladi;
• Bunday deraza-oynalar yozda xonalarning qizib ketishdan himoya qiladi va shu bilan kondisioner ishini samaraliroq qilishga yordam beradi;
• Texnologiya furnituraga yuklamani kamaytiradi, chunki u standart 2 kamerali oynapaketlarni nisbatan yengilroq bir kamerali modellarga almashtirish imkonini beradi;
• Quvvat-tejovchi oynapaketlar kondensat hosil bo‘lishining oldini oladi;
• Issiqlik tejovchi qoplamali shisha mebel va intererdagi buyumlarni ultrabinafsha nurlari ta’siri ostida xiralashishdan himoya qiladi.
Uch kun mobaynida ko‘rgazmaga tashrif buyurganlar quvvat-tejovchi seriyadagi deraza-eshik tizimlari, shuningdek, Akfa va Imzo kompaniyasining yangi quvvat-tejovchi va fasad yechimlari bilan tanishish imkoniga ega bo‘ladilar.
Reklama huquqi asosida.
Izoh (0)