28 февраль куни Тошкентда “Бунёдкорлик – UzBuild 2023” 24-Ўзбекистон халқаро кўргазмаси очилди, унда мамлакатимизнинг йирик маҳаллий саноат холдингларидан бири – Akfa ва Imzo иштирок этмоқда. Компания ушбу кўргазмада Ўзбекистон иқлими учун қувват тежовчи янги самарали ечимларни тақдим этди.
UzBuild — Ўзбекистондаги қурилиш саноатининг етакчи кўргазмаси ҳисобланиб, анъанавий тарзда янги қурилиш мавсумини очиб бериб, унинг асосий тенденцияларини аниқлаб беради. Ўзбекистоннинг қурилиш саноати — йиллик барқарор ўсиш ва қизиқишни намойиш этиб берувчи иқтисодиётнинг устувор тармоқларидан бири ҳисобланади. Мамлакатимизда сўнгги йилларда кузатилаётган фаол кенг кўламли бунёдкорлик ишлари энг янги технология ва ускуналар, замонавий ҳамда қувват- тежовчи самарали ечимлардан фойдаланишни тақозо этмоқда.
Жорий йилда Ўзбекистоннинг энг йирик саноат холдингларидан бири – Akfa ва Imzo нинг экспозисияси 81 кв.м. ни эгаллади. Корхона алюминий ва PVX профиллар, дераза-эшик конструксиялари, иситиш радиаторлари, алюминий композит панеллари ҳамда қурилиш материаллари ишлаб чиқариш билан шуғулланади. Холдинг ўз стендида фаолиятнинг учта асосий йўналиши бўйича энг яхши ечимларни тақдим этди: Akfa Windows&Doors (дераза-эшик тизимлари), Akfa Build (қурилиш ва шаҳар ечимлари) ва Akfa Comfort (иситиш ечимлари).
Бундан ташқари, компания Ўзбекистон иқлими учун мукаммал ечим бўла оладиган янги қувват-тежовчи дераза-ойналарни тақдим этди. Бундай дераза-ойналарни ишлаб чиқариш учун хона ичидаги иссиқликни мустақил тарзда сақлаб туришга қодир бўлган махсус ойнапакетлардан фойдаланадилар. Ташқи томондан, улар стандарт моделлардан фарқ қилмайди ва шундай ишлайдики, бунда инсоннинг ҳатто минимал иштироки ҳам талаб этилмайди. Дераза-ойналар мустақил равишда, қўшимча қурилмаларсиз хона ичидаги ҳароратни ушлаб туради, бу эса ўз навбатида совуқ қиш ҳамда, иссиқ ёз мавсуми учун ҳам бирдек айни муддао бўлади.
Қувват-тежовчи дераза-ойналарнинг асосий афзалликлари:
• Қувват-тежовчи дераза-ойналар бинолардан жами иссиқлик йўқотилишини 30 фоизга камайтириши имконини беради, шунингдек, тўлиқ музлашга йўл қўймайди;
• Ушбу технология туфайли дераза тешиклари ҳудуди орқали 38-40 фоиз гача камроқ қувват йўқолади;
• Бундай дераза-ойналар ёзда хоналарнинг қизиб кетишдан ҳимоя қилади ва шу билан кондисионер ишини самаралироқ қилишга ёрдам беради;
• Технология фурнитурага юкламани камайтиради, чунки у стандарт 2 камерали ойнапакетларни нисбатан енгилроқ бир камерали моделларга алмаштириш имконини беради;
• Қувват-тежовчи ойнапакетлар конденсат ҳосил бўлишининг олдини олади;
• Иссиқлик тежовчи қопламали шиша мебел ва интерердаги буюмларни ултрабинафша нурлари таъсири остида хиралашишдан ҳимоя қилади.
Уч кун мобайнида кўргазмага ташриф буюрганлар қувват-тежовчи сериядаги дераза-эшик тизимлари, шунингдек, Akfa ва Imzo компаниясининг янги қувват-тежовчи ва фасад ечимлари билан танишиш имконига эга бўладилар.
Реклама ҳуқуқи асосида.
Изоҳ (0)