“Inson qadrini ulug‘lash va faol mahalla yili”da “O‘zbekinvest” sug‘urta kompaniyasi ishni “mahallabay” tamoyili asosida tashkil etishda ishtirok etishni o‘z faoliyatining ustuvor yo‘nalishi sifatida belgilab oldi.
2022-yilda mamlakatimizning 9 mingdan ortiq mahallasida istiqomat qilayotgan aholini turli xavf va xatarlardan qilishga qaratilgan kompleks chora-tadbirlar amalga oshirildi. Ushbu tadbirlar shahar va qishloq aholisi o‘rtasida faol tushuntirish ishlarini olib borish, yoshlar orasidan yangi sug‘urta agentlarini jalb qilishdan iborat edi.
Natijada kam taʼminlangan oilalardan bo‘lgan 1029 nafar fuqaro sug‘urta agenti sifatida ish bilan taʼminlandi. 2022-yilda ular tomonidan mahallalarda 12,3 milliard so‘mlik 176,1 ming donadan ortiq sug‘urta polislari sotilgan.
Maʼlumki, mijozlar tomonidan sug‘urta tashkilotini tanlashda asosiy omillardan biri bu to‘lab berilgan sug‘urta qoplamalari to‘g‘risidagi statistik maʼlumotlardir. 2022-yilda “O‘zbekinvest” tomonidan “Mahallabay” dasturi doirasida sotilgan polislar bo‘yicha 1746 nafar mijozga 9,3 milliard so‘m sug‘urta tovonlari to‘lab berildi.
Masalan, Toshkent viloyati Parkent tumanida istiqomat qiluvchi To‘xtayevlar oilasi 50 000 so‘m evaziga “Mening uyim – mening Vatanim” mol-mulk sug‘urta polisini xarid qilgan edi. Taqdir taqozosi bilan yong‘in natijasida To‘xtayevlar oilasining uyi yonib ketdi. “O‘zbekinvest” xodimlarining voqea joyiga tezkorlik bilan yetib borishi natijasida yetkazilgan zarar hisoblab chiqilib, mijozga 98 million so‘m miqdorida tovon puli to‘lab berildi.
Fuqaro Shuhrat Xasanboyev 2022-yil aprel oyida “O‘zbekinvest” kompaniyasida avtotransport vositalarini sug‘urtalash polisini rasmiylashtirgan. O‘sha yilning noyabr oyida Sh.Hasanboyev yo‘l-transport hodisasi ishtirokchisiga aylanib, “O‘zbekinvest” kompaniyasiga murojaat qilgan. Natijada Sh.Hasanboyevga “O‘zbekinvest” tomonidan 99,5 million so‘m tovon puli to‘lab berilgan.
Kompaniya shahar va qishloq aholisiga ko‘plab sug‘urta polislari to‘plamini taklif etadi, jumladan: baxtsiz hodisalardan sug‘urtalash, uy-joy sug‘urtasi, avtotransport vositalarini sug‘urtalash va boshqalar.
“O‘zbekinvest” kompaniyasi vakillari mahallalarda aholi bilan o‘tkazilgan sayyor uchrashuvlarda sug‘urta xizmatlaridan foydalanishning afzalliklari, shuningdek, aholi va tadbirkorlik subyektlariga sug‘urta ko‘zda tutilmagan zararlar qoplanishining moddiy manbai ekanligi haqida tushuntirishlar berdilar.
“O‘zbekinvest” tomonidan mamlakatimizning chekka hududlari aholisiga taklif etilayotgan sug‘urta turlarining aksariyati “inklyuziv” deb ataladigan sug‘urta turlariga tegishlidir. Bu shuni anglatadiki, ushbu sug‘urta turlari bo‘yicha polis stavkalarini tuzishda aholining ijtimoiy himoyaga muhtoj qatlamlarining eng kam daromadlari hisobga olinadi. Shu yo‘l bilan kam taʼminlangan oilalardan bo‘lgan fuqarolar sug‘urta himoyasi bilan taʼminlanadi.
2023-yilda “O‘zbekinvest” aksiyadorlik jamiyati tomonidan mamlakatimiz mahallalarida aholini sug‘urta himoyasini taʼminlash, ularning moliyaviy xizmatlarning ushbu turiga ishonchini mustahkamlash borasida amalga oshirilayotgan ishlar respublikamizning barcha hududlarida davom ettiriladi.
Reklama huquqi asosida.
Izoh (0)