Ohangaron shahri prokuraturasi qorovuli 26-fevral kuni 9 ming dollar pora olayotganda ushlandi. Bu haqda “Daryo”ga Bosh prokuratura matbuot kotibi Hayot Shamsutdinov xabar berdi.
Qayd etilishicha, tezkor tadbirda prokuratura binosi qorovuli shahar prokuraturasi tergovchisining ish yurituvida bo‘lgan jinoyat ishi doirasida tergovga jalb qilingan fuqaro E.dan jinoyat ishini yengillashtirib, ijobiy hal qilib berish evaziga 9 ming dollar olgan vaqtida ushlangan.
27-fevral kuni Ohangaron shahar prokuraturasi tergovchisiga nisbatan Jinoyat kodeksining 210-moddasi, qo‘riqlash xizmati qorovuliga nisbatan Jinoyat kodeksining 168, 28-211-moddalari bilan jinoyat ishi qo‘zg‘atilgan. Gumonlanuvchi shaxslar protsessual tartibda ushlangan. Tergov harakatlari olib borilmoqda.
Izoh (1)
Miliondan biri ushlaniptida