Futbol bo‘yicha Ispaniya La Ligasining 23-turida “Barselona” 26-fevral, yakshanba kuni “Almeriya”ga qarshi bahs olib bordi.
Uchrashuvning 24-daqiqasida Al-Bilol Ture andalusiyaliklarni oldinga olib chiqdi. Tanaffusga qadar katalonlar raqib darvozasi oldida qator imkoniyatlar ega bo‘ldi, biroq to‘p kirita olmadi. Ikkinchi bo‘lim ham “ko‘k-anorranglilar”ning katta ustunligi ostida o‘tdi. Ammo mehmonlar raqib darvozasi tomon yo‘l topa olmadi.
Shu tariqa “Barselona” mavsumdagi ikkinchi mag‘lubiyatini qabul qilib oldi. Bundan avval Primerada faqat “Real” katalonlarni mag‘lub etolgandi.
“Barsa” 59 ochko bilan peshqadam bo‘lib turibdi. Eng yaqin ta’qibchi “Real” bilan o‘rtadagi farq 7 ochkoni tashkil qilmoqda. “Almeriya” ushbu g‘alaba evaziga ochkolarini 25 taga yetkazib olgan olda 19-o‘rindan 15-pog‘onaga ko‘tarildi.
La Liga
23-tur bahslari
26-fevral, yakshanba
“Almeriya” – “Barselona” 1:0
Gol: 1:0 – 24 Ture.
“Almeriya”: Fernando, Chumi, Eli, Babich, Akeme, Kayki, Robertone (Ramazani, 76), Eguaras (Poso, 83), de la Os, Baptistao (Samu Koshta, 83), Suares (Embarba, 76), Ture.
“Barselona”: ter Shtegen, Serxi Roberto (Torre, 76), Kristensen, Erik Garsiya (Arauxo, 67), Alba (Alonso, 67), Buskets (Alarkon, 76), Kessie (Rafinya, 46), de Yong, Gavi, Levandovski, Ferran Torres.
Ogohlantirishlar: Erik Garsiya (35), Robertone (47), Xavi (52), Chumi (53), Rafinya (54), Gavi (57), Fernando (87).
“Atletik” – “Jirona” 2:3
Gollar: 0:1 – 4 Aleish Garsiya, 0:2 – 19, avtogol De Markos, 1:2 – 35 Berchiche, 1:3 – 45, avtogol Vesga, 2:3 – 89 Raul Garsiya.
“Selta” – “Valyadolid” 3:0
Gollar: 1:0 – 17 Seferovich, 2:0 – 32 Veyga, 3:0 – 64 Veyga.
Izoh (0)