Financial Times: Украинадаги уруш бошида Россия ўзининг вертолётларини уриб туширган

Россиянинг Украинага бостириб киришининг дастлабки кунларида рус армияси ўзининг бир нечта ҳарбий самолётларини уриб туширди. Бу ҳақда Financial Times хабар берди.

Уриб туширилган Россия самолётлари ҳақида икки нафар ғарб ва бир нафар украиналик расмий нашрга маълум қилди. Бунга урушнинг биринчи кунларида рус қўшинларида юз берган тартибсизлик сабаб бўлган бўлиши мумкин. Financial Times ва унинг суҳбатдошлари бу қачон ва қаерда содир бўлганига аниқлик киритмаган. АҚШнинг собиқ юқори мартабали мулозими бу тарзда уриб туширилган Россия самолётлари сони “бир ёки иккита эмас”лигини айтмоқда.

У уруш бошланишида русларнинг “Украина устидан учиб ўтишга ва ўз ҳаётларини хавф остига қўйишга тайёр бўлган жанговар тажрибага эга учувчилари йўқлигини” илгари сурди. Украина Мудофаа вазирлиги Ҳарбий разведка бош бошқармаси бошлиғи ўринбосари Вадим Скибицкий улар ўз самолётлари ва вертолётларини артиллерия ва танклардан уриб туширганини айтмоқда. Бу россиялик ҳарбийларнинг суҳбатларини қўлга киритиш орқали тасдиқланган.

Financial Times суҳбатдошларнинг сўзларига таяниб, Россия ўз авиатехникасига зарба бериши оқибатида мамлакат бир неча учувчиларни йўқотган. Нашр рус учувчиларнинг қанчаси ҳодиса оқибатида ҳалок бўлганига ойдинлик киритмаган.