Farg‘ona tumanida 10-fevral kuni o‘tkazilgan tezkor qidiruvda qizlarga noqonuniy diniy bilim berib kelayotgan ayol ushlandi. Bu haqda viloyat IIB axborot xizmati xabar berdi.
Qayd etilishicha, “Chimyon” mahallasi hududida yashovchi E.F. ismli ayol 2022-yilning avgust oyidan buyon 2 nafar voyaga yetmagan qizga noqonuniy diniy ta’lim berib kelayotgani aniqlangan.
Holat yuzasidan Ma’muriy javobgarlik to‘g‘risidagi kodeksning 241-moddasi (diniy ta’limotdan saboq berish tartibini buzish) bilan hujjatlar rasmiylashtirilib, E.F.ga nisbatan sud tomonidan BHMning 3 barobari (900 ming so‘m) miqdorda jarima jazosi tayinlandi.
Izoh (0)