Toshkent shahri Ichki ishlar bosh boshqarmasida 20-fevral kuni brifing bo‘lib o‘tdi. Unda 2022-yilda sodir etilgan jinoyatlarning qisqacha tahlili bo‘yicha ma’lumot berildi.
2022-yil davomida poytaxt hududida “Toshkent tajribasi” asosida huquqni muhofaza qiluvchi organlar va boshqa tegishli idoralar bilan hamkorlikda qator profilaktik tadbirlar amalga oshirildi. Natijada sodir etilgan jinoyatlar o‘tgan yilga nisbatan 10,8 foizga kamayishga erishildi.
Shu jumladan, qasddan odam o‘ldirish 18 foizga, qasddan badanga og‘ir shikast yetkazish 23,6 foizga, nomusga tegish 12,2 foizga, bosqinchilik 25,4 foizga va talonchilik 35 foizga kamaygan. Toshkent shahridagi 584 ta mahalladan 157 tasida umuman jinoyat sodir etilmasligiga erishildi.
Izoh (0)