Janubiy Koreya harbiylari mamlakat havo hududiga Shimoliy Koreya havo shari kirganini ma’lum qildi. Bu haqda Reuters xabar berdi.
Harbiylar 5-fevral kuni mazkur sharni kuzatgan, u hech qanday xavf tug‘dirmasligi ma’lum qilingan. Janubiy Koreya Mudofaa vazirligi bayonotida bunga javoban noma’lum "choralar" ko‘rilgani qo‘shimcha qilinadi. Havo shari Janubiy Koreya havo hududini bir necha soatdan keyin tark etgan. Rasmiylar bu ayg‘oqchi shar emasligi, balki miteozond ekanini aytmoqda.
Mazkur ma’lumot AQSH osmonida Xitoyning uchar obyekti aniqlanganidan so‘ng paydo bo‘ldi. Bu esa Pekin bilan munosabatlarni yanada keskinlashtirdi, Xitoy havo shari meteorologik maqsadlarda uchirilganini iddao qildi. AQSH harbiylari uchar obyekt strategik obyektlarni kuzatishga mo‘ljallanganini ma’lum qilib, qiruvchi samolyotlar yordamida uni urib tushirgan.
Izoh (0)