2019-yildan beri “Rosoboroneksport” Janubiy Sudanga noqonuniy ravishda kichik partiyalarda qurol eksport qilib keladi. Tegishli hisobot Transmilliy uyushgan jinoyatchilikka qarshi global tashabbus (GI-TOC) nodavlat tarmog‘i tomonidan e’lon qilindi.
BMT fuqarolar urushi sababli 2018-yilda Janubiy Sudanga qurol-yarog‘ yetkazib berishga embargo joriy qilgan. Biroq, bu Kremlni to‘xtata olmagani ta’kidlanmoqda. Rossiya qurollari dengiz orqali tashilgan. U dastlab Keniyaning Mombasa portiga yetib kelgan, u yerda qurollar konteynerlarga o‘ralgan va Janubiy Sudanga jo‘natilgan. Ma’lum bo‘lishicha, qurol-yarog‘ savdosi Janubiy Sudan harbiy rahbariyatiga aloqador kompaniya hisoblanadi.
Rossiya Keniyadagi Mombasa porti orqali Janubiy Sudanga qurol-yarog‘dan tashqari tog‘-kon uskunalarini yetkazib bergani keltirib o‘tilgan. Butun dunyo bo‘ylab qurol savdosini ro‘yxatga oluvchi, Stokgolmda joylashgan SIPRI xalqaro instituti yetkazib berishlar rasman ro‘yxatdan o‘tmaganini bildirgan. Institut Rossiya Janubiy Sudanga oxirgi marta jangovar vertolyotlarni rasman 2016-yilda yetkazib berganini qayd etdi.
2007-yilda Rossiyada ishlab chiqarilgan harbiy texnikani olib ketayotgan Ukrainaning MV Faina kemasi Somali suvlarida olib qo‘yilgan. Keniya hukumati yuk Keniyaga ketayotganini aytgan, biroq bu qurollar deyarli o‘sha paytda Sudandan ajralib chiqish uchun kurashayotgan Janubiy Sudanga mo‘ljallangani haqida dalillar paydo bo‘lgan.
Eslatib o‘tamiz, 2021-yil oktyabr oyida Sudanda harbiy to‘ntarish sodir bo‘lgandi. Harbiylar bir qancha boshqaruvchilarni hibsga olgan va favqulodda holat e’lon qilgan. Armiya va harbiylashtirilgan kuchlar ko‘zdan yosh oqizuvchi gaz va qurollardan foydalangan holda tinch aholi harakatini cheklagan. Suveren kengashni boshqargan general Abdel Fattoh al-Burxon kengash tarqatib yuborilganini e’lon qilgan. Harbiy to‘ntarish “demokratiyaga o‘tishni yakunlash” maqsadida qilingan.
Izoh (0)