2019 йилдан бери “Рособоронэкспорт” Жанубий Суданга ноқонуний равишда кичик партияларда қурол экспорт қилиб келади. Тегишли ҳисобот Трансмиллий уюшган жиноятчиликка қарши глобал ташаббус (GI-ТОC) нодавлат тармоғи томонидан эълон қилинди.
БМТ фуқаролар уруши сабабли 2018 йилда Жанубий Суданга қурол-яроғ етказиб беришга эмбарго жорий қилган. Бироқ, бу Кремлни тўхтата олмагани таъкидланмоқда. Россия қуроллари денгиз орқали ташилган. У дастлаб Кениянинг Момбаса портига етиб келган, у ерда қуроллар контейнерларга ўралган ва Жанубий Суданга жўнатилган. Маълум бўлишича, қурол-яроғ савдоси Жанубий Судан ҳарбий раҳбариятига алоқадор компания ҳисобланади.
Россия Кениядаги Момбаса порти орқали Жанубий Суданга қурол-яроғдан ташқари тоғ-кон ускуналарини етказиб бергани келтириб ўтилган. Бутун дунё бўйлаб қурол савдосини рўйхатга олувчи, Стокгольмда жойлашган SIPRI халқаро институти етказиб беришлар расман рўйхатдан ўтмаганини билдирган. Институт Россия Жанубий Суданга охирги марта жанговар вертолётларни расман 2016 йилда етказиб берганини қайд этди.
2007 йилда Россияда ишлаб чиқарилган ҳарбий техникани олиб кетаётган Украинанинг МВ Фаина кемаси Сомали сувларида олиб қўйилган. Кения ҳукумати юк Кенияга кетаётганини айтган, бироқ бу қуроллар деярли ўша пайтда Судандан ажралиб чиқиш учун курашаётган Жанубий Суданга мўлжаллангани ҳақида далиллар пайдо бўлган.
Эслатиб ўтамиз, 2021 йил октябр ойида Суданда ҳарбий тўнтариш содир бўлганди. Ҳарбийлар бир қанча бошқарувчиларни ҳибсга олган ва фавқулодда ҳолат эълон қилган. Армия ва ҳарбийлаштирилган кучлар кўздан ёш оқизувчи газ ва қуроллардан фойдаланган ҳолда тинч аҳоли ҳаракатини чеклаган. Суверен кенгашни бошқарган генерал Абдел Фаттоҳ ал-Бурхон кенгаш тарқатиб юборилганини эълон қилган. Ҳарбий тўнтариш “демократияга ўтишни якунлаш” мақсадида қилинган.
Изоҳ (0)