FIFA talqini bo‘yicha 2022-yilning eng yaxshi darvozaboni nomiga da’vogar yakuniy uch nafar futbolchi nomi ma’lum qilindi.
The Best sovriniga Tibo Kurtua (“Real”, Belgiya), Yassin Bunu (“Sevilya”, Marokash) va Emiliano Martines (“Aston Villa”, Argentina) da’vogarlik qilmoqda.
Kengaytirilgan ro‘yxatdan braziliyaliklar Alisson (“Liverpul”) va Ederson (“Manchester Siti”) tushib qolgan.
G‘olib nomi 27-fevral kuni o‘tkaziladigan marosimda e’lon qilinadi.
2021-yilning eng yaxshi darvozaboni sifatida “Chelsi” va Senegal terma jamoasi posboni Eduar Mendi e’tirof etilgandi.
Izoh (0)