Turkiyadagi zilzila oqibatida jabrlangan o‘zbek oilasining 5 nafar a’zosi 11-fevral kuni O‘zbekistonga yuborildi. Bu haqda Bosh konsulxona axborot xizmati xabar berdi.
![](/static/2023-02-11 19.03.38.jpg)
Ma’lum bo‘lishicha, Malatya shahridan evakuatsiya qilingan oilaga Bosh konsulxonaning tabiiy ofat oqibatini bartaraf etish uchun ochilgan maxsus hisob raqamidan aviachiptalar xarid qilingan.
Bundan tashqari, 11-fevral kuni Turkiyadagi zilzila natijasida Hatay shahrida vafot etgan Andijon viloyatida tug‘ilgan 56 yoshli U.H.ning jasadi Istanbul aeroportidan Farg‘ona shahriga yuborilgan.