O‘zbekistondan zilzila sabab jabr ko‘rgan Turkiyaga insonparvarlik yordami yig‘ish vaqtincha to‘xtatildi. Bu haqda Savdo-sanoat palatasi xabar qildi.
“Biz insonparvarlik yordami yig‘ishni vaqtincha to‘xtatishga majbur bo‘ldik”, — deb boshlanadi xabar.
Qayd etilishicha, barcha hududiy bo‘linmalardan yuklar kelib tushayotgani sababli ularni saralash, qadoqlash va jo‘natishga tayyorlash qo‘shimcha vaqt talab etmoqda.
Gumanitar yordam yig‘ish qayta boshlangani va Turkiyaga yetkazilishi zarur bo‘lgan mahsulotlar ro‘yxati yana e’lon qilinadi.
Ma’lum qilinishicha, hozirgi kungacha Turkiyadagi insonlar uchun kerakli mahsulotlar bilan to‘ldirilgan 27 ta yuk mashinasi (taxminan 550 ta poddon) jo‘natilgan.
Izoh (0)