Argentinada Lionel Messi tasviri tushirilgan banknotalar paydo bo‘lishi mumkin.
Bu taklif Argentinadagi eng yirik milliy bank prezidenti Silvina Batakis tomonidan berilgan.
O‘tgan haftada Argentina respublikasi markaziy banki mamlakatda 2000 pesolik banknotalar muomalaga kiritilishini tasdiqladi va hozirda 10 000 lik banknotalarni ishlab chiqish masalasi ko‘rib chiqilmoqda. Batakis inflyatsiya sharoitida yangi banknotalar ishlab chiqarishni zarurat deb atadi.
“Men argentinaliklarning qalbidan joy olgan narsaga e’tibor qaratgan bo‘lardim. Bu ramziy banknota bo‘ladi, masalan, Jahon Chempionati bilan bo‘liq. Mamnunlik bilan Lionel Messi tasviri tushirilgan pullarni muomalaga chiqargan bo‘lardim.
Prezident bugungi suhbatida mavzuni ochiq qoldirdi va hozirda yangi pul masalasi tahlil qilinmoqda. Yosh tahlilchilar o‘ntalik — bu Messi deyishmoqda, biroq bundanda kuchli muhokamalar mavjud. Ya’ni Messi va Maradona o‘rtasidagi tanlov”, — deydi Silvina.
Eslatib o‘tamiz, Lionel Messi yetakchiligidagi Argentina terma jamoasi JCH—2022 finalida Fransiyani mag‘lub etib, chempionga aylangandi. Janubiy Amerika vakillari so‘nggi bor 1986-yil Meksikada bo‘lib o‘tgan mundialda jahon chempionligini qo‘lga kiritgandi. O‘shanda terma jamoa yetakchisi Diyego Maradona bo‘lgan.
Izoh (0)