O‘zbekiston Favqulodda vaziyatlar vazirligi qutqaruvchilari Turkiyada ro‘y bergan talafotli zilzila oqibatida vayronalar ostida qolgan yana 14 kishining jasadini olib chiqdi. Bu haqda Favqulodda vaziyatlar vazirligi axborot xizmati xabar berdi.
Xabarga ko‘ra, O‘zbekiston FVV qutqaruv otryadlari Turkiyaning Hatay viloyati vayronalari ostida jarohatlanganlar va halok bo‘lganlarni qidirish ishlarini uzluksiz davom ettirmoqda. Tabiiy ofat epitsentrida qidiruv guruhlari 4-kun tinimsiz ishlamoqda va oxirgi soatlarda ular vayronalar ostidan yana 14 kishining jasadini olib chiqdi.
Qayd etilishicha, qidiruv-qutqaruv operatsiyasi boshlanganidan buyon O‘zbekiston Favqulodda vaziyatlar vazirligi xodimlari 13 nafar jabrlangan va 64 nafar halok bo‘lganlarni vayronalar ostidan olib chiqdi.
Izoh (0)