Ўзбекистон Фавқулодда вазиятлар вазирлиги қутқарувчилари Туркияда рўй берган талафотли зилзила оқибатида вайроналар остида қолган яна 14 кишининг жасадини олиб чиқди. Бу ҳақда Фавқулодда вазиятлар вазирлиги ахборот хизмати хабар берди.
Хабарга кўра, Ўзбекистон ФВВ қутқарув отрядлари Туркиянинг Ҳатай вилояти вайроналари остида жароҳатланганлар ва ҳалок бўлганларни қидириш ишларини узлуксиз давом эттирмоқда. Табиий офат эпицентрида қидирув гуруҳлари 4-кун тинимсиз ишламоқда ва охирги соатларда улар вайроналар остидан яна 14 кишининг жасадини олиб чиқди.
Қайд этилишича, қидирув-қутқарув операцияси бошланганидан буён Ўзбекистон Фавқулодда вазиятлар вазирлиги ходимлари 13 нафар жабрланган ва 64 нафар ҳалок бўлганларни вайроналар остидан олиб чиқди.
Изоҳ (0)