Qashqadaryo viloyatining Ko‘kdala tumanida 14 nafar alimentdan qarzdor ota 15 sutkaga qamaldi. Bu haqda “Daryo”ga MIB viloyat boshqarmasi axborot xizmati rahbari Gulnoza Dilmurodova xabar berdi.
Maʼlum bo‘lishicha, 2023-yilning 7-fevral kuni tumanda alimentdan qarzdor 18 nafar ota ishi Jinoyat ishlari bo‘yicha Ko‘kdala tuman sudi tomonidan sayyor sud tartibida ko‘rib chiqilgan.
”Sud jarayoni natijasiga ko‘ra, 14 nafar qarzdorga nisbatan 15 sutkalik maʼmuriy qamoq jazosi berilgan bo‘lsa, 4 nafar ota qamalmaslik uchun shu zahotiyoq mavjud qarzdorligini to‘lab berdi. Shu bilan bir qatorda, tuman prokuraturasi hamda bandlikka ko‘maklashish markazi bilan hamkorlikda ishsiz aliment to‘lovchilar uchun mehnat yarmarkasi tashkil etildi”, — deydi Gulnoza Dilmurodova.
Izoh (0)