Қашқадарё вилоятининг Кўкдала туманида 14 нафар алиментдан қарздор ота 15 суткага қамалди. Бу ҳақда “Дарё”га МИБ вилоят бошқармаси ахборот хизмати раҳбари Гулноза Дилмуродова хабар берди.
Маълум бўлишича, 2023 йилнинг 7 февраль куни туманда алиментдан қарздор 18 нафар ота иши Жиноят ишлари бўйича Кўкдала туман суди томонидан сайёр суд тартибида кўриб чиқилган.
”Суд жараёни натижасига кўра, 14 нафар қарздорга нисбатан 15 суткалик маъмурий қамоқ жазоси берилган бўлса, 4 нафар ота қамалмаслик учун шу заҳотиёқ мавжуд қарздорлигини тўлаб берди. Шу билан бир қаторда, туман прокуратураси ҳамда бандликка кўмаклашиш маркази билан ҳамкорликда ишсиз алимент тўловчилар учун меҳнат ярмаркаси ташкил этилди”, — дейди Гулноза Дилмуродова.
Изоҳ (0)