O‘zbekistonda 18 yoshigacha jinoyat sodir etgan shaxs jazoni o‘tab bo‘lgach, sudlanganlik tamg‘asidan xalos bo‘ladi

O‘zbekistonda voyaga yetmaganlarga nisbatan jinoiy javobgarlikni yanada liberallashtiriladi. Bu jamoatchilik muhokamasiga qo‘yilgan 2023-yilgi davlat dasturi loyihasida qayd etilgan.

Unga ko‘ra, 18 yoshga to‘lgunga qadar sodir etgan jinoyati (o‘ta og‘ir jinoyatlar bundan mustasno) uchun shaxs jazoni o‘tab bo‘lgan fuqaro “sudlanmagan” hisoblanishiga oid norma qonunchilikka kiritiladi. Bu orqali 18 yoshga to‘lgunga qadar sodir etgan jinoyati uchun shaxs jazoni o‘tab bo‘lganidan so‘ng sudlanganlik tamg‘asidan xalos bo‘lishi ta’minlanadi.

Bosh prokuratura, Oliy sud, Adliya vazirligi topshiriqni 2023-yil may oyiga qadar bajarishi ko‘zda tutilgan.