Shavkat Mirziyoyev Toshkent shahrida bosh reja boʻlmaguncha, yangi qurilishlarga moratoriy eʼlon qilinishini maʼlum qildi. Bu haqda Prezident matbuot xizmati xabar berdi.
Xabarga koʻra, davlat rahbari qurilishga ruxsat berilganda, mavjud infratuzilmaga yuklama boʻyicha aniq hisob-kitob qilinmayotgani, yashil maydonlar tashkil qilish ishlari qurilishlar bilan hamohang olib borilmayotganini tanqid qildi. Shu sababli, shaharning bosh rejasi tasdiqlanmaguncha yangi qurilishlarga moratoriy eʼlon qilinishi taʼkidlandi.
Qayd etilishicha, 2023-yilda Toshkent shahrining yashillik darajasini 28 foizga yetkazish vazifasi qoʻyildi. Shu maqsadda 100 gektar maydonda yangi bogʻ tashkil qilinadi. “Toshkent yashil belbogʻi” loyihasi boshlanib, bahor mavsumida 525 ming tup daraxt va butalar, 20 million tup gul koʻchatlari ekiladi.
Izoh (0)