Jeyk Jillenxol, Oliviya Uayld va katta merosga ega bo‘lgan boshqa Gollivud yulduzlari (foto)
Yaqinda amerikalik aktrisa Pamela Anderson 12 kun birga yashagan turmush o‘rtog‘i bilan ajrashgani haqida xabar tarqaldi. Uning sobiq turmush o‘rtog‘i Jon Piters rafiqasiga 10 million dollar meros qoldirdi. Peopletalk nashri katta merosga ega bo‘lgan Gollivud yulduzlari haqida ma’lumot berdi.
Jeyk Jillenxol
Gollivud yulduzi Jillenxol zodagon shved oilasining avlodi. Aktyorning ota-onasi esa kino olamida hurmat sazovor mashhur insonlar hisoblanadi. Jillenxolning otasi mashhur rejissor, onasi esa ssenariy muallifi sifatida faoliyat yuritadi. Jeyk ham, uning opasi Meggi ham muvaffaqiyatli aktyorlik karyeralarini qurgani ajablanarli holat emas. Aktyor 80 million dollar merosga ega.
Skarlett Yoxansson
Ma’lumki, Skarlett Yoxansson Manxettenda juda badavlat oilada voyaga yetgan. Uning otasi mashhur arxitektor, onasi esa kino prodyuseri bo‘lgan. Yoxansson 2018— 2019-yillarda kino sohadagi eng ko‘p maosh oluvchi aktyorlardan biriga aylandi. Aktrisaga 40 million dollar miqdorida meros qolgan, biroq unga qulay hayot kechirishi uchun ota-onasining boyligi kerak emas, deb aytish mumkin.
Oliviya Uayld
Oliviya Uayld muvaffaqiyatga erishgan, mashhur musiqiy prodyuserlar oilasida tug‘ilgan. Uning otasi uzoq vaqt davomida Mik Jagger bilan ishlagan. Oliviya bolaligida ko‘p vaqtini Amerika Qo‘shma Shtatlarida, yozgi ta’tillarini esa Irlandiyada o‘tkazdi, chunki uning yana boshqa fuqaroligi ham bor edi. Aktrisaga qolgan merosning miqdori 20 million dollarni tashkil qiladi.
Runi Mara
Runi Mara va uning singlisi Keyt Gollivuddagi aktyorlar oilasida tug‘ilmagan bo‘lsa-da, ularning bolaligi kamchiliklarsiz o‘tgan edi. Ularning bobosi Tim Mara Nyu-York Gigants futbol klubiga asos solgan va hali ham NFL’da faol hisoblanadi. Opa-singillar umrlarining oxirigacha ularga qolgan 30 million dollarlik meros bilan istaganidek yashashi mumkin edi, ammo shunga qaramay, ular mustaqil ravishda o‘z kelajagini qurishga va ikkalasi ham o‘z martabalarida rivojlanishda davom etmoqda.
Dakota Jonson
Dakota Jonson aktyorlar Don Jonson va Melaniye Griffitning qizi bo‘lib, kino sohadagi eng mashhur insonlardan biri hisoblanadi. Hozirda uni Nepo Babiyesning asosiy vakili deb atashsa ham, aktrisa muvaffaqiyatli aktyorlik karyerasini qurishda davom etmoqda. Aktrisa 40 million miqdoridagi merosga ega.
