Tomoshabinlarda yanada ko‘proq taassurot qoldirish uchun so‘nggi paytlarda film va serial ijodkorlari mashhur aktyorlarni epizodik rollarni o‘ynashga taklif qila boshladi. Ko‘pincha bunday rol uzoq davom etmasa ham, ba’zida ular tomoshabinlarning e’tiborini tortishga muvaffaq bo‘lishadi.
Bred Pitt (“Yo‘qolgan shahar”, 2022)
Bred Pittning Sandra Bullok va Chenning Tatum ishtirokidagi “Yo‘qolgan shahar” filmida bosh rollarni ijro etishi tomoshabinlar uchun kutilmagan hodisa bo‘ldi. Pitt uddaburon yigit Jek Trener rolini o‘ynaydi, u Tatum bilan Bullok qahramoni garovga olingan orolga sayohat qiladi. Ommaning katta taassufiga ko‘ra, mallasoch qahramon paydo bo‘lganidek tezda g‘oyib bo‘ladi.
Sandra Bullok (“O‘qdan tez”, 2022)
Sandra Bullok ham bosh rolda Bred Pitt bo‘lgan “O‘qdan tez” jangari filmida epizod rol o‘ynagan. Aktrisa Pittning kuratori, laqabi Xonqizi bo‘lgan Mariya Bitl rolini o‘ynadi. Film davomida u bilan telefonda gaplashsa-da, Bullok ekranda faqat oxirgi sahnada paydo bo‘ladi.
Gap shundaki, Sandra “O‘qdan tez” filmining suratga olish maydonchasida va Bred “Yo‘qolgan shahar” filmida ishlayotgan vaqtida bitta sartarosh xizmatidan foydalangan. Aynan u Bredga Sandrani u bilan birga suratga tushish g‘oyasini bergan. Bullok darhol rozi bo‘ladi, lekin bir shart bilan: Pitt ham uning ishtirokidagi kartinada o‘ynashi kerak edi.
Entoni Xopkins (“O‘g‘il”, 2022)
Entoni Xopkins fransuz dramaturgi va yozuvchisi Florian Zellerning 2020-yilgi “Ota” badiiy filmidagi bosh qahramon roli uchun “Oskar” mukofotiga sazovor bo‘ldi. Shu sababli rejissor keyingi filmni suratga olganida, u Xopkinsga undan kichik, tubdan farq qiladigan rolni beradi. Aktyor faqat bir kadrdagina paydo bo‘ladi va Xyu Jekman qahramonining sovuqqon otasi rolini o‘ynaydi. Otalar va bolalarning abadiy muammolari haqidagi filmda u katta yoshli o‘g‘lini qattiq tanqid qiladi.
Tobi Maguayr (“Bobil”, 2022)
So‘nggi yillarda Tobi Maguayr ekranlardan g‘oyib bo‘ldi, keyin esa “Bobil” filmida epizodik rolda paydo bo‘ldi. Gollivud filmining aktyori va prodyuseri g‘alati rangli va yog‘li sochlari bilan mafiyaning aqldan ozgan boshlig‘i, taniqli yovuz Jeyms Makkey rolini o‘ynadi. Kartina rejissori Damyen Shazelning aytishicha, Maguayrning o‘zi uch yoki to‘rtta rol orasidan eng dahshatli va yovuz obrazni tanlagan.
Sharlz Teron (“Bolalar”, 2022)
Ekranda Sharlz Teron vayron bo‘lgan binolar fonida paydo bo‘lganda 3-mavsumning boshlanishi biroz chalkashroqdek tuyuladi. Ammo bir daqiqadan so‘ng, bu serial ichidagi film ekanligi va u yovuz superqahramon Bo‘ron rolini o‘ynashi ayon bo‘ladi.
Kianu Rivz (“Gubka Bob qochqinda”, 2020)
Kianu Rivzning muxlislari kadrda to‘liq ko‘rinmagan bo‘lsa-da, “Gubka Bob qochqinda” filmida aktyorni ko‘rganlarida xursand bo‘lishsa kerak. Aktyor Donishmand ismli sho‘rak (cho‘llarda ko‘chib yuruvchi qurigan o‘simlik uyumi)ni o‘ynaydi. Ssenariy muallifi va rejissor Tim Xill tan olganidek, bu mistik personajni yaratishda u Gubka Bobning ma’naviy ustozi sifatida faqat Rivzni tasavvur qilgan.
Bri Larson (“Marvel xonim”, 2022)
“Marvel xonim” seriali davomida yosh Kamala Xon o‘zining sevimli superqahramoni Kapitan Marvelga qoyil qoladi. Uning xonasi qahramonning plakatlari bilan qoplangan va qiz uning kostyumida mahalliy ComicCon’ga borish imkoniyatini qo‘ldan boy bermaydi. Ammo katta buvisidan sirli bilaguzukni olgach, uning o‘zi mo‘jizaviy qudratga ega bo‘ladi.
Yakuniy sahnada bilaguzuk o‘z-o‘zidan faollashadi va Kamalani qayergadir teleportatsiya qiladi, buning o‘rniga Bri Larson uning xonasida kapitan Marvel qiyofasida paydo bo‘ladi. Ushbu yakun Kamalaning sarguzashtlari davom etadigan va, ehtimol, u o‘z kumiri bilan uchrashadigan yangi Marvel filmining sujetiga ishora qiladi.
Izoh (0)