Tish choʻtkalar oʻrnini bosadigan buyum topish mushkul. Choʻtkaning oʻzi oʻnlab yordamchi asbob-uskunalar vazifasini bajara oladi, baʼzan samaradorlik boʻyicha ulardan oshib ham ketadi. Quyidagi tish choʻtkalari qoʻshimcha vazifalari sizni hayratda qoldirishi aniq.
Oshxona pechkasi
Konforka va gaz plitalarni tozalash uchun eski tish choʻtkasidan foydalaning. Uning kichik oʻlchami va elastikligi tufayli mato yoki shimgich yetib bormagan joylardagi chirklarni osongina tozalaydi.
Kafel oraliqlari
Tish choʻtkasi hammom va hojatxonadagi kafel orasida yigʻilgan ohaksimon qattiq kirlarni ketkazishga yordam beradi. Choʻtkani oqartiruvchi eritmaga botirib artib oling. Tozalashdan keyin kafellarni toza suv bilan yuving.
Boʻr va rangli qalam izlari
Devorlarda yosh rassomlar ishining izlarini topsangiz, ularni tish choʻtkasi bilan olib tashlashga harakat qiling. Unga ozgina miqdorda soqol olish koʻpikdan yoki tish pastasidan qoʻllab, asta-sekin dumaloq harakatlar bilan sirtga surting. Soʻng qogʻoz salfetka bilan izlarni oʻchirib chiqing.
Kompyuter klaviaturasi
Klaviatura tugmalari orasida koʻpgina chang toʻplanadi. Uni oddiy mato yoki salfetka bilan tozalab olish juda qiyin. Qattiq, quruq choʻtkadan foydalaning. Klaviaturani yon tomoniga buring va klaviaturadagi qoldiqlarni ehtiyotkorlik bilan tozalang.
Qirgʻich
Tajribali uy bekalari ushbu oshxona buyumini qoldiqlaridan, ayniqsa, quritilganidan soʻng tozalash qanchalik qiyinligini bilishadi. Qirgʻichni tish choʻtkasi bilan tozalash mumkin.
Makkajoʻxori
Makkajoʻxori boshoqlarini pishirishni rejalashtiryapsiz, lekin ularning “sochlarini” ololmayapsiz. Bu paytda tish choʻtkasini yordamga chaqiring. Jarayon ancha kam vaqt talab etadi, natija sizni quvontirishi aniq.
Sochni boʻyash
Uyda sochingizni boʻyasangiz, choʻtkangizni tish choʻtkasiga almashtirib ko‘ring. Uni ishlatish ancha qulay, ayniqsa, soch qisqa boʻlsa undan-da qulay. Tish choʻtkasi mukammal oʻlchamga ega, bu esa boʻyoqni hatto, yetish qiyin boʻlgan joylarda ham aniq qoʻllash imkonini beradi.
Qaysar sochlar
Yomgʻir paytida sochlaringiz jingalak boʻlib qolsa va tartibsiz koʻrinsa, boʻysunmagan sochni lakka botirilgan tish choʻtkasi bilan tarang.
Sabzavotlarni tozalash
Yupqa qatlamli qoʻziqorin va sabzavotlardan tuproq qoldiqlarini olib tashlash uchun yumshoq tish choʻtkasidan foydalaning. Kartoshka uchun esa, aksincha, qattiq choʻtka kerak boʻladi. Bunday qayta ishlash mahsulotlarning saqlash muddatini uzaytiradi: quruq va toza sabzavotlar ancha uzoqroq saqlanadi.
Oshxona rakovinasi
Chirk yopishib qolgan oshxona rakovinasini tozalash uchun tish choʻtkasi qulay vositadir. Aksessuarning tukli qismi yonida joylashgan tutqich qismini sham yoki zajigalka olovida 3-5 soniya ushlab turing. Keyin plastmassani 90 daraja sekin egib oling. Endi choʻtkadan foydalanish ancha yanada qulay boʻladi.
Soch quritgich
Soch quritgichning ochiq qismlarini tish choʻtkasi yordamida changdan tozalang. Isitish qismiga tushgan chang soch uskunasining shikastlanishiga olib keladi. Uning uzoq xizmat qilishi uchun har 1-2 haftada bir marta bunday tozalashni amalga oshiring.
Ventilyatsiya
Tish choʻtkasi yordamida hammomdagi shamollatish panjaralarini va avtomobildagi havo toʻsiqlarini tez va samarali tozalang. Chang va chirk toʻplanishiga moyil boʻlgan bu joylar zamburugʻ va bakteriyalar uchun ajoyib muhitdir.
Himoya panjarasini olib tashlang va koʻrinadigan qismlarni quruq choʻtka bilan tozalang, keyin ularni nam mato bilan artib oling.
Mavzuga doir:
Izoh (0)