Bir hafta ichida sezilarli natija: soch qalinligini oshiradigan 10 ta mahsulot 

Salomatlikni, uning yetarli darajada parvarish qilinayotganini qalin va serjilo sochlardek hech nima aks ettirolmaydi. Quyida sochlaringiz betakrorligini oshirishga yordam beradigan bir nechta oziq-ovqat mahsulotlari keltirilgan.

Agar soch toʻkilishi yoki tolalari ingichkalashayotgani kuzatilsa, bilingki, bu taomnomangiz bilan bogʻliq muammolarning oldini olish uchun kalit boʻlishi mumkin. Soch toʻkilishi koronavirus oqibatlaridan biri boʻlsa, isteʼmol qilayotgan oziq-ovqatlar roʻyxatini qayta koʻrib chiqing. Soch oʻsishiga yordam beradigan va tashqi koʻrinishini yaxshilaydigan “superfud”lar yetarlicha topiladi. Bular soch follikulalarini mustahkamlaydigan antioksidant flavonoidlar, qizil qon tanachalarini koʻpaytiradigan temirga hamda soch oʻsishini yaxshilaydigan oqsil va kremniyga boy oziq-ovqatlardir.

Koʻkatlar

Har qanday oshkoʻklar, masalan, shivit, ismaloq, karam ham soch follikulalarini mustahkamlovchi, soch oqsili boʻlgan keratin moddasini ishlab chiqarishga yordam beradi. Shuningdek, salat bargi B, A, C va K vitaminlariga, foliy kislotasiga boy. Har kuni salat yoki ovqatga aralashtirib taxminan 100 gramm miqdorida koʻkat isteʼmol qiling.

Dukkakli mahsulotlar

Dukkaklilar va soyadan olingan mahsulotlar digidrotesteron deb ataladigan gormon ishlab chiqarishni hosil qiladi, bu muvozanat sochlarning toʻkilishiga yordam beradi. Dukkaklilar tarkibida temir, magniy, omega-3 va B2 vitamini mavjud. Haftada kamida 75 g dukkakli ekinlardan isteʼmol qilishga harakat qiling, umuman olganda, dukkakli oʻsimliklarni taomnomaga koʻproq kiritgan yaxshi, chunki ular kaloriyasi past, ammo toʻyimli ozuqa hisoblanadi.

Dengiz oʻtlari

Dengiz mahsulotlaridagi ayrim oziq moddalar, masalan, temir va aminokislota l-lizin, soch oʻsishiga bevosita taʼsir qiladi. Temir qizil qon tanachalarining sogʻlom ishlab chiqarilishini taʼminlaydi, l-lizin moddasi esa oʻz navbatida temirning organizmga soʻrilishiga yordam beradi, uning yetishmasligi soch toʻkilishiga olib kelishi mumkin. Tarkibida rux, foliy kislotasi, magniy, B2 va B5 vitaminlari ham mavjud. Oziqlanish ehtiyojlarini qondirish uchun kuniga 10 gramm dengiz oʻtlari isteʼmol qiling.

Tuxum

Proteinga boy tuxum kollagen ishlab chiqarishni koʻpaytiradi, bu esa sochlarning tabiiy koʻrinishini saqlab qoladi. Yosh oʻtishi bilan kollagen tezroq parchalanadi, oqibatda soch tolasi yanada zaif va moʻrtlashib boradi. Tuxum tarkibida A va D vitaminlari, karotin, lutein, rux va oqsil ham mavjud. Kutilgan natijaga erishish uchun haftasiga 4 marta qaynatilgan yoki qovurilgan tuxum yeb turing.

Avokado

Avokado tarkibida E vitamini, kaliy, omega-9, B vitaminlari va foliy kislotasi mavjud. E vitamini kislorodning soʻrilishini oshiradi, bosh terisida qon aylanishini yaxshilaydi, bu esa sochlarning sogʻlom oʻsishiga yordam beradi. Taʼsirini sezish uchun haftasiga 2-4 marta 1 tadan oʻrtacha kattalikdagi avokado isteʼmol qiling.

Zigʻir urugʻi

Tarkibida omega-3 moddasi koʻpligi tufayli zigʻir urugʻi sochlarni oziqlantirishga yordam beradi, soch tolalarining qurib qolishi, zaiflashishi va moʻrtlashishini oldini oladi. Shuningdek, ushbu mahsulot tarkibida B1 vitamini, magniy, fosfor va selen mavjud. Kuniga 1 osh qoshiq miqdoridagi zigʻir urugʻini qoʻshimcha sifatida yoki taomga sepgan holda isteʼmol qiling.

Qovoq urugʻlari

Proteinga boy qovoq urugʻlari tarkibida rux mavjud boʻlib, u sogʻlom hujayralar koʻpayishini qoʻllab-quvvatlaydi, immunitetni oshiradi, bu esa sochlarning tez oʻsishiga yordam beradi. Shuningdek, qovoq urugʻi tarkibida temir, fosfor, magniy, oqsil mavjud. Toʻyimli vitaminlar uchun zigʻir va qovoq urugʻlarini teng nisbatda aralashtirib, kuniga 1 osh qoshiqdan yeyishni odat qiling.

Oʻrmon mevalari

Koʻpgina rezavorlar tarkibida C vitamini va kaliy mavjud. Oʻrmon mevalaridagi C vitamining koʻpligi kollagen ishlab chiqarishni ragʻbatlantiradi. C vitamini bosh terisida qon aylanishini yaxshilaydi va uning antioksidant taʼsiri follikulalarni shikastlanishdan himoya qiladi. Optimal natijaga erishish uchun har kuni kamida bir hovuch rezavor mevaning ovqatlanish ratsionida boʻlishi tavsiya etiladi.

Mango

Mango tarkibida sochlarni mustahkamlash va oʻsishiga yordam beradigan biriktiruvchi toʻqima komponenti boʻlgan mineral kremniy mavjud. Kremniy dioksididan tashqari, bu meva A, B6 va C vitaminlari va foliy kislotasiga boy. Ushbu mahsulotning afzalliklaridan bahramand boʻlish uchun ovqatdan keyin yoki qoʻshimcha sifatida 2 boʻlakdan mango mevasini isteʼmol qiling.

Anjir

Anjir sochning sogʻlom oʻsishi serjilo koʻrinishi uchun zarur boʻlgan temirning bebaho manbaidir. Bundan tashqari, u kaliy, magniy, A va E vitaminlarini oʻz ichiga oladi. Quritilgan mevalar va rezavorlar tarkibida ham temir moddasi yetarlicha uchraydi. Mavsumda kuniga ikki donadan anjir isteʼmoli sochlar uchun koni foyda hisoblanadi.

Mavzuga doir:

• Nima uchun sochlar to‘kiladi va buni qanday to‘xtatish kerak: shifokor maslahati
• Yoyilgan sochlar bilan uyquga yotmang: bu borada siz bilmagan faktlar bor