Doniyor Mirazimov Respublika ixtisoslashtirilgan neyroxirurgiya ilmiy-amaliy tibbiyot markazi direktori vazifasini bajaruvchi etib tayinlandi, deb xabar bermoqda Sog‘liqni saqlash vazirligi matbuot xizmati.
Doniyor Mirazimov tayinlovga qadar 2020-yildan beri 2-son Zangiota yuqumli kasalliklar shifoxonasi direktori vazifasida ishlab kelayotgan edi.
Tibbiyot fanlari nomzodi Doniyor Mirazimov professional faoliyatini aynan Respublika ixtisoslashtirilgan neyroxirurgiya ilmiy-amaliy tibbiyot markazida kichik ilmiy xodim sifatida boshlagan. Shundan keyin ushbu muassasada shifokor-neyroxirurg, bosh shifokor boʻlib ishlagan.
Bundan tashqari, u Sogʻliqni saqlash vazirligida bosh boshqarma boshligʻi, Vazirlar Mahkamasida shoʻba mudiri kabi masʼul lavozimlarda faoliyat koʻrsatgan.
Izoh (0)