Bugun,

  • USD 11095.31
  • RUB 173.84
  • EUR 10772.44

O‘zbekistonda xususiy korxonalarga qarashli ayrim yonilgʻi quyish shoxobchalarida Ai-80 markali benzinni Ai-91 markasi ostida sotish faktlari aniqlandi. Bu haqda Raqobatni rivojlantirish va isteʼmolchilar huquqlarini himoya qilish qoʻmitasi xabar berdi.

Qoʻmita matbuot xizmatining ma’lum qilishicha, O‘zbekistonning turli hududlarida xususiy korxonalarga qarashli 23 ta yonilgʻi quyish shoxobchalarida sotilayotgan yonilgʻi sifatini aniqlash maqsadida nazorat xaridlari oʻtkazildi, shuningdek, belgilangan hajmdan kam hajmlarda benzin mahsulotini quyib berish holatlari ham oʻrganildi.

O‘rganishlar natijasi qonunbuzarliklar Samarqand viloyatidagi “Triada ekspress servis” MCHJ, “Turop Godir” MCHJ va “Muxammad neft oil” MCHJ kabi yonilgʻi quyish shoxobchalarida aniqlangan. Sirdaryo viloyatidagi “Said AGSM Tex Servis”, “Bekzod-5”, “Murod Maqsad Trans” va Lux Petrol MCHJlarga qarashli yonilgʻi quyish va boshqa shu kabi shoxobchalarda ham bunday holatlar kuzatilgan.

Yonilgʻi quyish shoxobchalari faoliyatini oʻrganish natijalariga koʻra, benzinni notoʻgʻri sotish, shuningdek, isteʼmolchilarga toʻliq hajmlarda quyib bermaslik natijasida yetkazilgan zarar miqdori qariyb 489 million soʻmni tashkil etgan.

“Isteʼmolchilar huquqlarini himoya qilish toʻgʻrisida”gi qonunda sotuvchi isteʼmolchiga oʻzi sotayotgan tovar toʻgʻrisidagi zarur, ishonchli va foydalanish mumkin boʻlgan maʼlumotlarni oʻz vaqtida taqdim etishi shartligi belgilangan. Agar mahsulot toʻgʻrisida notoʻgʻri yoki yetarli darajada toʻliq boʻlmagan maʼlumotlarning taqdim etilishi zarur isteʼmol xususiyatlariga ega boʻlmagan tovarlarni sotib olishga olib kelgan boʻlsa, isteʼmolchi shartnomani bekor qilishga va unga yetkazilgan zararning oʻrnini qoplashni talab qilishga haqli.

Qayd etilishicha, ayni paytda qoʻmita tomonidan isteʼmolchilarga yetkazilgan zararni qoplash va qayta hisob-kitob qilish ishlari olib borilmoqda. Shuningdek,  birja auksionlarida xarid qilingan va yonilgʻi quyish shoxobchalari orqali sotilayotgan Ai-80 markali benzin sotilishini tizimli oʻrganib chiqilmoqda.

“Shu tariqa, yil boshidan buyon birja savdolari orqali oʻrtacha 20 tonna, jami 5,2 ming tonna neft mahsulotlari xarid qilinganiga qaramay, 241 ta yonilgʻi quyish shoxobchalarida isteʼmolchilarga benzin sotilmagani aniqlandi, yaʼni sunʼiy ajiotaj holati vujudga keltirilmoqda”, — deyiladi xabarda.

Oʻrganishlar natijalari boʻyicha materiallar zarur choralar koʻrilishi uchun Neft mahsulotlari va gazdan foydalanishni nazorat qilish inspeksiyasiga taqdim etilgan.

Mavzuga doir
Izoh

Bunyod Raximov

26 yanvar, 01:50

фойдаси йук буларга гапиришди сурхондарё ни бойсун тумани хам назорат килувчи бирон киши кемайдими тошкент дан департамент кесуунлар бир литр бензин 12500 сумдан илтимос келиб текшириб куринглар факат илиимос сизлардан

Asosiy yangiliklar
Dunyo
Britaniya hukumati “Vagner”ni terrorchi tashkilot deb e’lon qilmoqchi — The Telegraph
Dunyo
AQSHda xavfli moddalarni olib ketayotgan yuk poyezdi relsdan chiqib ketdi (video)
Mahalliy
O‘zbekistonda kelayotgan hafta boshida qanday ob-havo bo‘ladi?